فيه واحد دمعته تتشاف و واحد دمعه جواني
و واحد حبه بالأموال و واحد عشقه مجاني
و واحد في الحياة شغال يجيب العالي تحتاني
و واحد تاني قلبه أصيل مالوش في الكدب و التمثيل
و واحد كان يبات مظلوم و هو الظالم الجاني
قلوب الناس بتتغير و بتغيرنا وياها
و قلب تشوفه بينور و قلب تحسه كمتاهة
فيه عين جواها حب و خير و عين جواها قلب حسود
و عين بتبخ غل و نار و عين بترش احلى ورود
و عين بتبصلك ترتاح و عين نظرتها سيف دباح
كلامك غير كلامي غير كلام الناس
فيه كلمة بتتحدف بطوب و كلمة بتنور بماس
و ايد بتضم ايد تتضم و ايد تتحس اب و ام
و ايد متعاصة غدر و دم و ايد تمنعها لو تتسم
اسم الاغنية : أبيض وأسود
كاتب الاغنية : الشاعر محمد عسل
ملحن الاغنية : غاندي وبيدو
غناء : حسين غاندي
العربية
