اسالوا الايام عليا ياللي مش عارفين حكايتي
اسالوا الايام عليا ايه بدايتي وايه نهايتي
طفل صغير قلبه بريء مشي في الدنيا وقال يا طريق
بنى احلامه بسيطة قوي
كبر العمر ويوم ورا يوم ياما يا دنيا يقع ويقوم
وياما في عز الجرح قوي
الحكاية مش بالمظاهر انا اللي جوايا غير اللي ظاهر
انا شوفت م الايام احزان و آلام ولا الف جبل يقدرها
قابلت ناس جارحة حتى الفرحة على قلبي بتستكترها
ياما خبت المرايات جوايا حاجات واهات ودموع في عنيا
ولا حس بيا قريب ولا حتى غريب ولا اقرب ناس حواليا
زمني رسم لحياتي اساس وجع القلب وظلم الناس
بدور ع الافراح بتمن
وراضي بجرحي ان زاد او اقل عمري ما قلبي زهق ولا مل
ودايما اقول شكرا يا زمن
طول حياتي طول سنيني كلمة حلوة بتراضيني
ياما اتاذيت وسامحت وبديت وصالحت وكتير وانا قادر بعفي
والناس عشان عارفين طبعي وفاهمين لاعبين على نقطة ضعفي
طول حياتي لما بغني كل غنوة طالعة مني
يا دوب نقط في بحور وكلام في سطور مكتوب بقلم في ايديا
دة انا لو حاعيش ابكي عمرين واحكي مش حاعرف اقول ايه بيا
اسم الاغنية : اسالو الايام
كاتب الاغنية : مصطفي كامل
ملحن الاغنية : مصطفي كامل
غناء : مصطفى كامل
العربية
