كلمات اغنية الألفيه عزازي

الكاتب: ولاء الحمود -
كلمات اغنية الألفيه عزازي

كلمات اغنية الألفيه عزازي.

 
 
الف اولف يا أهل الحب واشقيه = من واحدن لامن تذكرته ابكيه
بقول كل اللي حصل منه واحكيه = وابين الخافي واقول الحقيقه
الباء بديت اشوف منه التغلي = يوم اعترف وقلتله انت خلي
وصار يتفنن في عذابي وذلي = وماكنت اظن الغدر يتبع بريقه
التاء تمادى في غروره وصده = والصبر عندي انتهى عند حده
قلبي من الخاين ضروري ارده = وارتاح من جملة هموما تعيقه
الثا ثلاث اشهور عايش بدونه = خل الذي غروه هم ينفعونه
بكره يخلونه يذوق المهونه = يوجس مثل ما اوجست ساعه بدقيقه
والجيم جاملته احسبه يقدر = واثره بأمر فرقاي والرفض صدر
وانا انتظر انه يجي ويتعذر = لاكن ترى مثله يخون برفيقه
والحا حشى ماشفت طبعه مع الناس = مافيه رحمه لا ولا عنده احساس
ياخذ ذهب صافي ويعطيني انحاس = وياويل منهو بالهوى نشف ريقه
والخا خدمته من عيوني ولا فاد = ولاهقيت انه يجازين بعناد
القلب بسبابه تقل فيه وقاد = من حر مابي كن وسطه حريقه
والدال دام الحب وياه مابيه = مابي احد عندي من الناس يطريه
والذال ذكرى صاحبي تتعب الروح = والنوم ماله داخل العين مصلوح
اشكي صراحه واشتكي عدة اجروح = وحالا مثل حالي من اللي يطيقه
الرا رماني أقشر الحظ بالحب = مع واحدن ماظن له بالهوى طب
حسبي عليه الله عدد كل ماهب = نسناس ريحن في مساره طريقه
والزا زمان الحب عندي تحول = واصبح بدال الحب كرهن مطول
راح الغلا الي اذكره له من اول = مثل القمر لاغاب واخفى بريقه
والسين سم الغدر ذقت ملا كاس = ماهي غريبه نشربه من بعض ناس
مثله ولوقدره نشيله على الراس = ماظن يوم اتصير روحه شفيقه
الشين شلت الهم عنه لحالي = ولاشكيت الحمل والي جرالي
صابر على ضيم الدهر والليالي= روحي بمر الريق صارت شريقه
والصاد صدوقوني اذا قلت مابيه = ولاينتظر لحطه اناديه وارجيه
ولايحسبني لعبتن بين اياديه = يقدر يمشيني ورجلي عويقه
الطا طعم حبه ولونه كرهته = من شان شين يدري اني عرفته
ولو حبه بشيك الهو ماصرفته = حتى ولو روحه لروحي شقيقه
الظا ظمى قلبي من الشوق زايد = والقرب اصبح بيننا الليوم كايد
والحب ماظنه ولاهو بعايد = لوعشة انا وحدي على ارضن سحيقه
والعين عيا القلب ماهو بحاصل = يقول مقدر مع هل الغدر اواصل
الحب جمله مايجيبه فواصل = وينعاف لو روحي في بحره غريقه
والغين غادرت المحبه بلا حجز = وبينتله اهم الاسباب موجز
من يتهمني بالكذب قلة يعجز = يثبت على الكذب باية طريقه
الفا فلا والله بقاله معي شي = والله مايطري في بالي وانا حي
طويت انا صفحه قديمه معه طي = طي الثياب الي يريد لتعليقه
والقاف قررت انهي الوضع كله = واعاف شمس الحب وارقد بضله
ومن جا يبي روحي معه قلت خله = خل لين تجف اجروح فيها عميقه
والكاف كل اللي مضى لازم انساه = وانسى جميع الي جرى من سواياه
والحب له بلوى ويا كبر بلواه = الانصبلك ( ارجو من يعرف كمالة البيت يعلما)
الالم لا والله ماضاق صدري = على فراق الي جحد كل قدري
ادري بشي وبعض الاشياء مدري = هذا يخص الله رب الخليقه
والميم ماودي انا اجني على الحال = ودي اعدل كل شين بها مال
واترك زمانن راح واريح البال = والحظ لامن نام لازم تفيقه
والنون نية صاحبي ليه شينه = وانا معاه امشي بنيه حسينه
الحين انا بطلت زينه وشينه = مابي عسل حبه ولا ابغى رحيقه
الها هدمت الحب وياه مليت = مليت من كثر التمنى وياليت
ياليتني بالعمر ماكنت حبيت = ولاعرفت الحب ولافريقه
هذا حصل واللي حصل فيه راضي = ارتحت من هما بروحي وضيقه
واليا ياليت القى حروفا زياده = لاكتب كلامن غير هذا زياده
وأكمل حوارن قمت انا في عداده = لو يسمعه قلبن قطع من خفيقه
 
 
 
 
 
 
 
 
 
اسم الاغنية : الألفيه
 
كاتب الاغنية : ابراهيم الجمحان
 
ملحن الاغنية : عزازي
 
غناء : عزازي
 
 
شارك المقالة:
3 مشاهدة
هل أعجبك المقال
0
0

مواضيع ذات محتوي مطابق

مقالات عشوائية

قصة نساء حول النبي
مضار فيتامين ج الفوار
أقوال وحكم جميلة عن عمل الخير
مخاوف برج القوس
كيف تصبح المسقعة طبق صحي وغني بالبروتين وقليل السعرات الحرارية بتعديل بسيط بطريقة الطهي
حبوب أوميغا 3 وفوائدها
أحلى حكمة في العالم
ما هو فيتامين ب المركب
معلومات عن فيتامين B
أجمل الأقوال في الحكم والأمثال
قصة تظهر معنى الصداقة
كيفية عمل شيزكيك صحي بسعرات حرارية أقل من الثلث
فيتامينات تغذي الشعر
أقوال وعبارات عن قول الحق
أضرار فيتامين ب مركب
التصنيفات تصفح المواضيع دليل شركات العالم
youtubbe twitter linkden facebook