ابد ميضيع حقنا بساحة التحرير
دام البصرة تهتف تفزع الحله
وعلى صوت السماوه تنتخي نيسان
وتصرخ كربلا مانقبل الذلة
مصنع للمراجل عدنا في ذي قار
وابطال النجف صارولهم عله
الديالى سكتت من حشموها الكوم
رغم كل الحظر ما خذلو الملة
واهل القادسية تنادي ويه الكوت
ياخي عون الوطن لو راد حضن اهله
واهل بغداد ثورة مأججة من الساس
هاي امنا الغدت من جورهم ثكلى
وحكك يابن ثنوه وكل شهيد وياك
الا من الاساس نشيل هالشلة
يضل اسمك فجر مايغيب نوره بيوم
قوم انهض وشوف شسوت النسوان
تحت في الشوارب هلهلت كزله
هاي تلم دوا وتضمد الينصاب
ومن برج الكرامة اتكحلت كحله
اكتبخت صبرها برغم تشكي العوز
واكو باعت ذهبها وجهزت حملة
وشسولفلك بعد عن ثورة الطلاب
لو عنا ابو التكتك من لعب جولة
وشسولفلك بعد عن ثورة الطلاب
وابو التوك توك البيهم من لعب جولة
لو قواتنا صارت درع للناس
ما معقولة منهم تطلع الذلة
هتفنا بصوت واحد ما نريد ذيول
اجا وكت اللي بيه العايب نبدله
شبعنا محاصصة والطائفية اشكال
وارهاب وفساد بكل شبر شتله
شعب رايد وطن مابيوك من زمان
هتف سلمية طفلة ويافعة وكهلة
كبر بينا الامل من شع فجر تشرين
ومن هاليوم تبقه موهجة الشعلة
اسم الاغنية : التحرير
كاتب الاغنية : غير معروف
ملحن الاغنية : غير معروف
غناء : مأمون النطاح
العربية
