الحلوة دى قامت تعجن فى البدرية
والديك بيــدن كوكو كوكو فى الفجـرية
يالله بنا على باب الله يا صـنايعية
يجعل صباحك صباح الخير ياسطى عطيـة
طلـع النهار فتــاح يا عليــم
والجيـب مافهشى ولا مليــم
مين فى اليومين دول شاف تلطيـم
زى الصـنايعية المظاليـم
الصبر أمره طـال
من بعد وقف الحال
ياللى معاك المال
برضه الفقيـر له رب كريم
أولاد أوربا ما بيناموش
عن الصـنايع ما يونوش
الافرنجى دايما حلق حوش
والمصرى جنبه بيطلع بوش
ســبع صـنايع فى إيدينـا
والهــم جايـر عليـنا
ياما شــكينا وبكينا
يا أغنيـا ليه ما تساعدوش
ما تشد حيلك يا بو صلاح
إضربها صرمة تعيش مرتاح
خلى تكالك ع الفتاح
يالله با يالله بينا الوقـت اهو راح
الشمس طلعــت والمــــــلك لله
ما تشيل قدومك والعـــدة ويالله
اجــرى لرزقك خليها على الله
اسم الاغنية : الحلوه دي
كاتب الاغنية : بديع خيري
ملحن الاغنية : سيد درويش
غناء : سيد درويش
العربية
