الدمعة صعبة بس برضو الضحكة اصعب
وانا لما بضحك صدقوني بجد بتعب
ويادوب ثواني وترجع الأحزان تاخدني
طبع الحياه ده ولا انا اللي شربت مقلب
انا كل ما اتقدم لخطوة ارجعها مية
والحزن زي قميص ومتفصل عليا
وان يوم وقفت قصاد مراية ابص فيها
بلاقي واحد فيها بيعيط عليا
متعلقين بخيوط كتير في الدنيا ديا
والدنيا بتحركنا في كل اتجاه
عايشين في فيلم كبير ومن تأليفها هيا
وهو ده دورنا مش أكتر في الحياه
وانا من غبائي كنت انا مفكرها لعبة
واللي مخدتش بالي ولا فكرت فيها
ان السهولة في حد ذاتها بجد صعبة
مليون طريق قدامي وانا واقف مكاني
مش عارف انا فين سكتي ولا عارف ارسى
بس اللي عارفه مراكب الأحزان يوماتي
هيا اللي دايما تيجي وسط جراحي ترسى
انا قلبي شجرة دمع تطرح كل ثانية
ولا يوم بتدبل حتى في عز الخريف
آسف صحيح المسألة مش عايزة كيميا
من امتى يا دنيا بتقفي مع الضعيف
عايم على مركب ورق والموجة عالية
والليل طويل ولا حتى باينله نهار
وكأني انا في الدنيا ديا حيطة مايلة
مكتوب عليها هو ده معنى المرار
انا ايه عملته في دنيتي علشان ده كله
لو ذنبي هفضل فيه يا دنيا لأمتى ادفع
وإن يوم وشوفتك تضحكي بيكون عليا
والاقيكي حطاني يا دنيا في وش مدفع
اسم الاغنية : الدمعة صعبة
كاتب الاغنية : غير معروف
ملحن الاغنية : غيرمعروف
غناء : احمد حسين
العربية
