من الساعة 7 قايلي جاي وبرضو لسه مجاش
شايفين عمايله؟ قافل موبايله الخاين الغشاش
قلقانة جداً، نفسي أعرف يعني هو بخير؟
ولا جراله حاجة بعد الشر معرفهاش
الغايب حجته معاه، خلاني كده بستناه
مش يمكن قرب دلوقتي وهيدق الباب؟
الغايب حجته معاه خلاني كده بستناه
البعد تعبني ولعّبني كل الألعاب
الصبر طيب، ايوة إن الله مع الصابرين
جايز في شارع زحمة عايز يسبق الميادين
قلقانة جداً، نفسي أعرف يعني هو بخير؟
انا عيني ع الشباك وشايفة ناس كتير ماشيين
الغايب حجته معاه، خلاني كده بستناه
مش يمكن قرب دلوقتي وهيدق الباب؟
الغايب حجته معاه خلاني كده بستناه
اسم الاغنية : الساعة سبعة
كاتب الاغنية : محمد عاطف
ملحن الاغنية : تامر علي
غناء : سالى خليل
العربية
