كلمات اغنية الشوق نياف تركي.
يابعد شقر الذوايب وتلعات الرقاب
انتي الحب الحقيقي ماحبيت بعده
غاليه واغلى سنادن وطت فوق التراب
غاية الشاعر وروحه وعزه وسنده
يوم اجي مفلاك كلي تشوق وارتياب
مثل من واعد حبيبه وفاته موعده
عقب بعد وغربه وشي شي من الغياب
جاك متلهف وقلبه على راحة يده
ليه صدات التشره ونظرات العتاب
يالشناح اللي خذيتي طيشان الشباب
فارقه عن كل وضحن مع البدو برده
من غلاها محيّله ماتبرك للركاب
هذي الرجال والله مايعطيها ولده
ودي افرش لك صحاصيح نجد من السحاب
اللي يلمع بارقه واللي يدوي برعده
كل ماتليت جيبي مع وساع الرحاب
راحت فجوج الخلا دبله بكف فهده
البلا في ضيقة الصدر يامال الذهاب
يا أني امر بمشاكل وامور معقده
من يفك عقالي حزني من مراح العذاب
كل مادكت بصدري همومن مجهده
عندي اتبع ف اشهب الال لمعات السراب
اهون من اتبع مقفي ماجاء عند وعده ..
كل ماخذت المكابر تعزز واحتساب
في عيوني دمعتن بالمطيح مهدده
والله ان فيني من الشوق قومه وقعده
اسم الاغنية : الشوق
كاتب الاغنية : عبدالله بن سمران
ملحن الاغنية : نياف تركي
غناء : نياف تركي
العربية
