اللي يقولك بحبك ماتقولوش اد ايه
قوله حاجة واحدة عملت عشاني ايه
في اللي مبين انه حنين قال طيب و مثالي
وإن مفيش قبلك ولا بعدك انت وبس الغالي
وهو مفيش عنده غير القسوة ولا ليه عزيز ولا غالي
في اللي دموعه ف ثانية بتنزل وتصدق حكاياته
ويقولك مش هعيش من غيرك وأهو عايش أوقاته
ومكمل في البعد وعادي ومش فارق في حياته
اللي يقولك بحبك ماتقولوش اد ايه
قوله حاجة واحدة عملت عشاني ايه
في اللي حياتك واقفه عشانه ومهما بتعمل عادي
ويقولك أنا لسه بحاول واقفة الدنيا قصادي
في اللى يقولك احلى كلام ماتقالش لغيرك تاني
و يسبل بعيونه ويحلف وحياتي ما تنساني
وهو اكبر كداب في الدنيا مالوش في الحب أناني
اللي يقولك بحبك ماتقولوش اد ايه
قوله حاجة واحدة عملت عشاني ايه
اسم الاغنية : اللي يقولك بحبك
كاتب الاغنية : غير معروف
ملحن الاغنية : غيرمعروف
غناء : احمد جمال
العربية
