عارف انا جاية ليه؟ علشان بس اثبت لروحي
مهما جرالك ايه، اني نسيتك انت وجروحي
وأحس اني ابتديت وانت اللي انتهيت
وألمح جوه قلبك وعينك دمعة وخوف لا انساك
كل اللي انا نفسي أعيشه معاك ليلة
تبقى بتمسح انت دموعك وأعمل مش شايفاك
زي ماكنت أنا ويّا ليالي هواك
عرفت ازاي غاليين دموع العين على عنينا
عرفت ازاي بنكون لما تهون أمانينا
وإزاي رضينا نموت كده في سكوت وحبينا
عندي كلام كتير بس خلاص هسيبك وهمشي
وباقي سؤال أخير، براحتك جاوبه أو متجاوبشي
لا هطوِّل عليك ولا فرحانة فيك
عايزة أعرف لو أنت مكاني كنت هتعمل ايه؟
ترضى وتقبل انك تعيش مجروح ليلة؟
تبقى مصدق اني بحبك واني بموت في هواك،
وأنا مش حاسة بكل الشوق جواك؟
عرفت ازاي غاليين دموع العين على عنينا
عرفت ازاي بنكون لما تهون أمانينا
وإزاي رضينا نموت كده في سكوت وحبينا
اسم الاغنية : انا جاية ليه
كاتب الاغنية : أحمد مرزوق
ملحن الاغنية : نادر نور
غناء : زيزى عادل
العربية
