انا عايز اعرف كل ده بيحصلّي ليه!
كتر الوجع خلاني مش قادر أكمّل
متقفّلة ومتخبّطة وآخرتها ايه؟
دانا لو جبل واقف مكاني مكانش اتحمّل!
مكسور وسوء الاختيار بقى خصلة فيّا
وحاولت أغيّر دنيتي وحالي شوية
بتعب على نفسي عشان متعبش اكتر مانا تعبان
عمّال بقاوح يمكن ألقى بداية ليّا
انا حد تاني مش أنا، انا شخص تايه معرفوش
مبقتش عارف مين انا، جوايا خوف مفهمتهوش
حاسس حياتي اتلخبطت، وبتنتهي قدّام عينيّا
شايف همومي اتكوّمت، وكل يوم بتهدّ فيّا
وكأنّ حاجة مكتفاني بتشدني علشان مقومشي
وسحابة سودة مغمّياني في سكتي ومش عايزة تمشي
م الجاي خايف، مبقتش عارف ايه اللي لازم ارميه ورايا
أيّام وساكت وحقيقتي تاهت ولا حل نافع أبداً معايا
رافض أشوف نفسي ضعيف، مانا لو رضيت، احساس مخيف!
باين عليّا في الدنيا ديّا هفضل في توهة لحد النهاية
انا حد تاني مش أنا، انا شخص تايه معرفوش
مبقتش عارف مين انا، جوايا خوف مفهمتهوش
اسم الاغنية : انا حد تاني
كاتب الاغنية : عماد عبيد
ملحن الاغنية : احمد سعد
غناء : احمد سعد
العربية
