أنا عندى عتاب بجد .. لـ بابا الفاتيكان
من غير ما أضايق حد .. ولا حد يكون زعلان
المسلم والمسيحي .. والكل زعلانين
عشان ماكنش ينفع .. تهين المسلمين
إسلامنا دين محبه .. إسلامنا دين سماح
وماانتشرش أبداً .. بالسيف ولا بالسلاح
الناس مش ناقصه فتنه .. الناس عاوزين أمان
وكفايه الدنيا ولعه .. على يد الأمريكان
رسومات تهين نبينا .. والسنه والقرآن
وكل يوم إهانه .. من ناس ليهم سكان
دينا مش دين عداوه .. وما تفتروش عليه
واللي حصل في قانا .. وفي غزه اسمه إيه
في مصر الكل عايش .. وحاسس بالأمان
الجرس ليه احترامه .. المأذنه والأدان
رسولنا ماكانش دموي .. ولا كان خبيث النيه
وماكانش عنده نووي .. وقنابل عنقوديه
كان يهودي تمللي .. بيرمي زبالة جاره
ولما كان تعبان .. سأل عليه وزاره
المسلم والمسيحي .. في كل شيء صحاب
بصراحه ماكنش لازم .. تتهور في الخطاب
اسم الاغنية : بابا الفاتيكان
كاتب الاغنية : غير معروف
ملحن الاغنية : غيرمعروف
غناء : شعبان عبد الرحيم
العربية
