اظن الدنيا خلصت كده .. شوفت عنيها و بلمت
انا مسجون معاها بس ف بعدها العالم ده كله سجن
انا مش بأن لكني بخاف الصبر يخوني
اخاف يجيلي زهايمر معرفكيش او النسيان يطولني
بصيتلها بعين المتعجز قالت اهدي
بكره يضوي خراب قلوبنا ابطالنا بتتولد فالشده
مسحت عيونها و قولت روحي تروح فداكي
يالي انتي اغلي مني علي عيني اعيش و اشوف اذاكي
ملامحك غيروها لكنك لسه شبهي !
فستانك الابيض قطعوه هرقعه ب حتت من جلدي
متسواليش الدنيا بنكله وحيد علي فكره
ضحكتك بترد روحي كنتي لقلبي اول قبله
مش عدل الدنيا تحاربني و انا مملكش غير حجاره
خسرت حربك حبك مش ضد الرصاص
وقعت غصب عني انا اسف سألو و قولت معرفهاش
أخفيت حبّكم فأخفاني أسى
حتّى لعمري كدت عنّي أختفي
وكتمته عنّي فلو أبديته
لوجدته أخفى من اللطف الخفيّ
الضرب كان ف مقتل بس انا لسه عايش
اوعي يغرك الهدوء ف طبعي انا من جوايا خايف
كان صوتها سحر غطي علي صوت الرصاص
قالتلي قتلوني من جوه .. ده شئ مالوش قصاص
بصيتلها و نسيت الضرب جريت عليها
رشاشتكو محوقتش قصاد الرعب الي فعنيها
ضميتها وقولت وعد هنتقابل ع الضفه ؟
بيتنا الي اتردم ف الحرب مسيره هيجمعنا بكره
حضنك وطن عنيكي سلام ايديكي بارده
كل شئ بيتغير بس انتي زي ما انتي ثابته
متزعليش مني يا نور عنيا انا فاكر
عمري ضاع بقربلك و بعدونا بحدود فالآخر
اظن الدنيا خلصت كده .. شوفت عنيها و بلمت
فداها خدت رصاصه فقلبي خرجت روحي من السجن
انا مش بأن انا خايف ينسوكي انتي مين
مهما حرفو القصص اسمي العرب و دي فلسطين
أنت القتيل بأيّ مَن أحببته
فاختر لنفسك في الهوى مَن تصطفي
قل للعذول أطلت لومي طامعاً
أنّ الملام عن الهوى مستوقفي
فإذا عشقت فبعد ذلك عنّف
اسم الاغنية : حدود2
كاتب الاغنية : عازف
ملحن الاغنية : عازف
غناء : عمار حسني
العربية
