كلمات اغنية حكايتى معاه محمد عساف.

حكايتي معاه

حكاية نيل وليل سهران على الكورنيش

وأكلة فول على العربية برغيف عيش

وسهرة في شبرا والقلعة وحواريها

حكايتي معاه.. حكاية قعدة ع القهة وحبة شاي

جدع وفي وقت ما بتحتاجله تلاقيه جاي

و ع المصري فيه ألف حكاية أحكيها

تمللي قريب و وقت الشدة مش بتغيب

وكلمة مصري دي مليانة بمعاني

وذوق وأصيل و ع المغني الجميل بتميل

وعمرك يوم ما كنت بخيل ولا أناني

وكل اللي شرب م النيل رجع تاني

يا بختك بيك وبالطيبة وبالحب اللي جوة عينيك

وبالناس اللي بيعيشوا هنا حواليك

في كل مكان هنا فيه قصة وحكاية

فيه غيرك كان بيتمنى يعيش في الجنة دي على طول

فيه غيرك عاش سنين يتمنى انه يقول

أنا مصري ومصر دي عايشة جوايا



اسم الاغنية : حكايتى معاه

كاتب الاغنية : غير معروف

ملحن الاغنية : غير معروف

غناء : محمد عساف