حمال الأسيه .. ظالمينك حبايبي
وبتنسى الأسيه .. طول عمرك يا قلبي
بينسوك الحبايب .. ولو طال الغياب
تروح تسأل عليهم .. ولا يردوش جواب !
ولك في الحب دقه عارفها كل باب
تسامح اللي ينسى ويعذر اللي غاب
وغلبت اشتكيهم .. وتقول دول حبايبي !
حمال الأسيه يا قلبي .. حمال الأسيه ..
------
اقولك دول فتونا .. فاتونا .. تقولي دا كلام
واقولك نهجر .. قولي لا .. لا .. لا حرام
بقى موش حرام عليهم .. عذابك في الغرام
واحنا اللي حرام علينا .. لو نطلب يوم خصام !
يخاصموك وتصالحهم .. وتقول دول حبايبي !
حمال الأسيه يا قلبي .. حمال الأسيه ..
حمال الأسيه .. ظالمينك حبايبي
وبتنسى الأسيه .. طول عمرك يا قلبي
اسم الاغنية : حمال الاسية
كاتب الاغنية : حسين السيد
ملحن الاغنية : محمد عبد الوهاب
غناء : فايزة احمد
العربية
