خون الغياب ؛ ومد حبل المواصيل
عمر القطاعـه ماتجيـب ،، المسـره
أسرفت بغيابـك عن العين بالحيـل
والصبـر ؛ من صبـره علي إيتشـره
وانا أخبـر ان الليـل سـرّ ، وتعاليـل
حتى القمـر لاغـاب } يرجـع مقـره
صرت أنتظـر ،، ويمر ليل ٍ ورى ليــل
وجمـر إنتظـاري ذوّق القلـب } حـره
وانا عشقتـك ؛ في جميع التفاصيـل
وأوفيت لك بالوقت خيـره ،، وشـره !
وحفظت ميثاقـك عن القـال والقيـل
من خوف لا تاتـي عليــك } المضـره
يازعفـران القلـب .. يابِـن .. ياهيـل
يادربـي الي ضـاق ~ بآخـر ممـره
إن رحت عن عيني عساها تساهيل
وان جيـت لك بين المعاليـق جــره
دايم طريـق البعـد ،، كلـه بهاذيــل
لكـن ؛ طريـق الوصـل ،، لله دره !
والدمعـه الي ماتجي دايـم تسيـل
سالـت على ذكـراك ؛ مليـون مـره
اسم الاغنية : زعفران القلب
كاتب الاغنية : أسعد البلوي
ملحن الاغنية : محمد حسن
غناء : محمد حسن
العربية
