ساحر لونو أسمر كل الشافو أنكر
غيرو يكون في سكر
سكر .. سكر .. سكر
وحات عيني سكر واكتر
أحلى نغم في منظر
أول مرة يظهر في أعماقنا فجر
ألوان من محاسنو ظلال نغم في منظر
في واحات عيونو رقيق أشواقنا فسر
آمالنا خطاهو لامن جانا يخطر
والحيرنا أكتر كيف الجو تعطر
من رقة حديثو وهمسو الفينا أثر
والعلمنا نسهر لونو العاجبو اسمر
اما وسط عيونو وحاتو عسل تقطر
يوم لي رمشو أشهر لو ما الله قدر
كان من لحظو نعتر ونقول ياريتو كتر
همسه لكل شاعر في محبوبنا سطر
آيات من بيانو من فنو المعبر
يارب القوافي يا الفنك مقدر
زيد اوصاف حبيبي قول خلينا نسكر
من حولو اجتمعنا وبيهو ربيعنا ازهر
من حسنو وحلاوتو طريقنا الخالي نور
نشتاق لو يسالم او لو يوم تنكر
يكون ده دليل وظاهر مره ببالو نخطر
خلى الدنيا انضر طعم الدنيا سكر
سكر .. سكر .. سكر
اسم الاغنية : سكر
كاتب الاغنية : غير معروف
ملحن الاغنية : غير معروف
غناء : عبد الكريم الكابلي
العربية
