سِل سيفك تردّى الــحال يا سرجون
غده الكُهّان بسم الآلهة ~ الساسة
واختل الوضع والضيم بينا يجور
على هل الحال كلمن حابس انفاسه
مو تعبت (أكد) والموت صافح (كيش)
وياهو اللي يفكنا وكلها علّاسه
الچان اول أمس حافي بدروب (آشور)
صفا كاهن تحضر الناس قدّاسه
وحرامي الچان يسرق بالحواري بيوت
صار اليوم هوَّ الــيلزم حراسة
واستشرى الفساد وزادت اجناسه
اكل بينا الفقر .. تعَّب أهلنا العوز
وقفل بابه الزمان واعلن إفلاسه
تاهت والشعب مخنوگ بالوركاء
وناقوس البطالة دقت أجراسه
استزرت والعيون بنص اساها اتطوف
ودموع الكهيل اتزيد وسواسه
استزرت ... والضعيف يريد راحة بال
وشح هذا الوكت ما طمَّن احساسه
كثرت آلهتنا والوطن قربان
صنم يعبد صنم ويبوِّس براسه
سِل سيفك بعد شمتاني يا سرجون
ترى استفحل السم وضحك دساسه
اسم الاغنية : سل سيفك
كاتب الاغنية : غير معروف
ملحن الاغنية : غير معروف
غناء : مأمون النطاح
العربية
