اسم الاغنية : طيبة
كاتب الاغنية : غير معروف
ملحن الاغنية : غير معروف
غناء : مصطفى سيد احمد
كل ماتباعد بينا عوارض
كل ما هواك يا طيبه مكنى
تلد الغربه القرب الواحد
وبيكى أسمى الشوق وأكنى
لما أفوتك من دون خاطر
أو دون خاطر مني تفوتي
بلقي حبايب في كل حته
وكل بيوت الفقرا بيوتي
لا غيرت وراك الجته
لا بدلت ملامح صوتى
لا غافلنى وهادن فني
غامل المدن الما عرفتني
تبن الشوق الصبرو مصوبر
للأرياف الكم وفتني
وللأطفال الناشفه ضلوعها
أهدي دموعها وأطمن روعها
بي بسمة بكره الماها تمني
ولا مصنوعه...
أغني لشعبي ومين يمنعني
أغني لقلبي اذا لوعني
مخير دربي الما رجعني
اذا طلعني نخلة القرب
ولا الغربه الكدروميه
تنزل غنوتي بي قمريه
أو وقعني في بطن الجب
بطلع يوسف بالأغنيه
أغني الناس المابتسمعني
المني بعيده..المبعده عني
النادى نشيدها وكنت المعني
الايدي في ايدها
وإيدا بتبني
في دنيا جديده..اليوم راح تدني
وأريت غنواتي في ناس شغاله
تكون سنداله..وعود طوريه
ضراع رجاله..
كتاب أطفالها..وجملة بالها الما مكريه
بقة فالا..وسدت مالا..
في ليلة الدخله علي أسمي قضيه
حبيبة قلبي يا سودانيه..
يا أسمي معاني..
في زول بيعاني..
يا ود ضكران..
يا بت دغريه..
وأنا إن سامعاني
فضَلت أغاني غبش فقريه
وروح غانياني
حويتك منك يا دافعاني..
براحة إيديا كما الأشواق..
وياجابداني برفق عليا
وبين الناس التحتانيه
الا مغيَر.. ولاعقوق..
ولاكفيف الإنسانيه
ومنك وين ياكاشفه عينيا
بنور الإلفه ضيا الحنيه
وحلم العالم ناس تتسالم
والبني آدم صافي النيه
والأطفال الناشفه ضلوعها..
أطمَن روعها..
وتبدا تغني..غناوي البكره..
الكم مسموعه
حسيس طمباره مع نقاره
صفقة حاره.. وداره تغني
فيا حلتنا عليك ترابك
وإنت شبابك زينة الجنه..
أحلي عروس البلد اللتنا
ولا الغبش الرابه تهني
ولاهدير المدن التصحي..
وتمحي ظلام الحاصل عني..
العربية
