على طرف جناحك يا حمام حاربط لك مكتوبي
واملاه اشواقي وسلامي توصلها لمحبوبي
واحلف له يمين بعيني التنين
قلبي اشتاق له وبينده له
من بعده أنا عايشة لأحلامي وحنيني لحبيبي
بدعي لك توصل بسلامة من قلبي بدعي لك
يسلمي جناحك يا حمام ويدوم لنا جميلك
أنا لا حنام ولا نوم ح يجيني
طول ما هو غايب كده عن عيني
قلبي اشتاق له وبينده له
من بعده أنا عايشة لأحلامي وحنيني لحبيبي
بالليل أسهر أعد نجومه وانسى العد وأعيده أعيده
والناس بيناموا ويقوموا والقلب القلب بتنهيده
والتنهيدة تساوي ليالي تساوي ليالي
ولا بيغيب الشوق عن بالي الشوق عن بالي
قلبي اشتاق له وبينده له
من بعده أنا عايشة لأحلامي وحنيني لحبيبي
يا سلام يا حمام لو جبت الرد معاك
وكمان يا سلام لو جا يا حمام وياك يا سلام يا سلام
ويشوف قلبي نهاية صبره
ويعيش أحلى ثواني في عمره
واحلف له يمين بعيني التنين
قلبي اشتاق له وبينده له
من بعده أنا عايشة لأحلامي وحنيني لحبيبي
اسم الاغنية : على طرف جناحك
كاتب الاغنية : عبد الرحمن الابنودى
ملحن الاغنية : عز الدين حسني
غناء : نجاة الصغيرة
العربية
