في الغفله عاش حياته
ماعملش حساب لشيئ
مش سامع غير كلامه
و اختار أسوأ طريق
كل اللي يجي ف باله
كان يجري أوام عليه
و الصح بالنسباله
هامش وملوهش فيه
الغابه كان قانونه
ف بياكل في الضعيف
كان ناسي مخدش باله
انه ف الدنيا ضيف
بالطول والعرض ماشي
و مكانش ليه كبير
فرعون ع الارض عايش
معدوم جواه الضمير
و ف يوم من غير معاد
الدنيا جت عليه
ملاقاش ولا حد جنبه
ولا حد فكر فيه
بقا شايف شريط حياته
معروض قدام عنيه
ملاقاش فيه حاجه حلوه
ولا حاجه تشفع ليه
أقرب ما ليه كارهينو
نزلت دموع من عينه
و علي اللي فات ندمان
حب يغير ماضيه
حب يرجع زمان
قال اللي وصلت ليه
يا ريته ف يوم م كان
كل الغلطات نسيها
شالها من ذكرياته
ورا ضهره راح راميها
حب يغير حياته
راجع وشوقه ف دمه
عاوز يقلل همه
راجع لابوه و لأمه
الأسف كانو ماتو
حاسب نفسك بنفسك
خليك كده ف الأمان
ده العمر كله لحظه
لو ضاع تكون ندمان
حاول ف الدنيا انك
ماتعيششي غصب عنك
صالح كل اللي منك
قبل فوات الأوان
العربية
