في نورك يا هلال العيد .. يطير بينا سفين عوام .. على الأحلام يودينا
نمد جسور .. نعدي بحور .. مغطية
في مركب نور .. عليه الحور .. مراكبية
قلوعه من نسيج الشوق .. يهب الريح .. ياخدها لفوق
و دفه من امانينا .. بغير ملاح
تغوط في الغريق بينا .. عشان نرتاح
نلاقي الموجه لجاجه .. و لا نرتاح ولا حاجة
نعود بالحيرة و نعدي .. بحور بالحزن مواجه
و ييجي العيد .. هلاله جديد
يلاقي الناس حزين و سعيد
حسب شوقه يجود و يزيد
و يحرم ناس على كيفه
يولع للسعيد شمعه
حسب شوقه
و على كيفه
و نورك يا هلال العيد
يطير بينا سفين عوام
على الأحلام يودينا
اسم الاغنية : في نورك ياهلال العيد
كاتب الاغنية : احمد فؤاد نجم
ملحن الاغنية : الشيخ امام
غناء : الشيخ امام
العربية
