انا عايز اعرف بتزعق لمراتك كام مرة في اليوم
كام مرة شخط فيها و قولت كلام مالهوش لزوم
شوف كشرت كام تكشيرة اول ما بتصحى من النوم
اصطباحة زي الفل من وشك اول ما تقوم
اللي لسة متجوز و اللي عنده شوية عيال
الاتنين في البيت يتخانقوا و الزعيق دايما شغال
بيتلكك على الحاجات التافهة يرزع ف الببان
و مراته مستحملاه رغم دة كله و بتتهان
هو شايفها كائن ضعيف و مستقوي بالحنجرة
عاوزها تحت امره و تمشي زي المسطرة
لو صحابه جم عنده في البيت يعمل فيها عنترة
بتحس ان هو لاسع و الحالة متأخرة
اي حاجة تيجي تعملها يحلف هو بالطلاق
ما هي بقت لبانة في بؤه زي ما العيل بيقول واء
هو مش حاسس باللي بيعمله في قمة الغباء
قولي طب قولا قوليلي طب
مين اللي نقل الفولدر دة ع الديسك توب
لا لا لا لا شوفتي دي اخرة الحب
يا سودة يا سودة لا لا لا استوب
و انا اعمل ايه دلوقتي
هي مش من الرجولة انك تقسى ع الحريم
كل التفكير اللي بتفكره دة تفكير عقيم
خليك حاططها جوة عينك انت كدة في السليم
عيش انسان مثالي ليها متبقاش انسان لئيم
هي مراتك اللي بجد مش هتلاقي كتير زيها
عاوزة حد يستحملها عايزة تشوف راجل جمبها
الحب الاول و الاخير ولا قبلها ولا بعدها
مش عايزة حد كل شوية ♥ يكسر قلبها
اوعى تكسر قلب واحدة عايشة بتحبك بجد
هي لو مشيت من عندك مش هتلاقي اي حد
يقف جمبك يحس بيك هتلاقي الدنيا سد
و الحضن اللي كان بيدفيك هتلاقي مكانه برد
ازاي اللي تشتريك بالغالي تبيعها بالرخيص
دي بني ادمة زيي زيك مش بنطلون ولا قميص
اللي مخليك عامل كدة هي عقلية ابليس
من كتر اللي انت شايفه برة و من كتر الوساويس
قولي طب قولا قوليلي طب
مين اللي نقل الفولدر دة ع الديسك توب
لا لا لا لا شوفتي دي اخرة الحب
يا سودة يا سودة لا لا لا استوب
و انا اعمل ايه دلوقتي
اسم الاغنية : قولى طب
كاتب الاغنية : اوكا
ملحن الاغنية : اورتيجا
غناء : اوكا واورتيجا
العربية
