كلمات اغنية كلب الست الشيخ امام مكتوبة.

الكاتب: حنان حوشان -
كلمات اغنية كلب الست الشيخ امام مكتوبة.

كلمات اغنية كلب الست الشيخ امام مكتوبة.

 

كلمات اغنية كلب الست الشيخ امام مكتوبة.
 
ف الزمالك من سنين
 
و ف حمى النيل القديم
 
قصر من عصر اليمن
 
ملك واحدة من الحريم
 
 
 
صيتها أكتر م الأدان
 
يسمعوه المسلمين
 
 
 
 
و التتر
 
و التركمان
 
و الهنود
 
و المنبودين
 
 
 
ست فاقت ع الرجال
 
ف المقام و الاحترام
 
صيت و شهرة
 
و تل مال
 
يعني في غاية التمام
 
 
 
قصره يعني هي كلمة
 
ليها كلمة ف الحكومة
 
بس ربك لجل حكمة
 
قام حرمها م الأمومة
 
و الأمومة طبع ثابت
 
جوه حوا من زمان
 
 
 
 
 
 
جابت فوكس رومي و له وان
 
 
 
فوكس دا عقبال إملتك
 
عنده دستية خدامين
 
يعني مش موجود ف عيلتك
 
شخص زيه يا اسماعين
 
 
 
و اسماعين دا يبقى واحد
 
م الجماعة الغلبانين
 
اللي داخو ف المعاهد
 
و المدارس من سنين
 
 
 
حب يعمل واد فكاكه
 
و يمشي حبه ف الزمالك
 
و القيامة و الفتاكة
 
يرموا طبعا ع المهالك
 
غم سمعه من قيامته
 
حب يعمل فيها فله
 
بعد ما ألوط بيجامته
 
اشترى حتة مجله
 
 
 
قول مش بيقراف حكاية
 
من حكايات الغرام
 
و اندماجه ف القرايه
 
خلا مشيه مش تمام
 
 
 
ع اليمين يحدف بعيد
 
خطوتين
 
و تروح شمال
 
لمحه فوكس من الحديد
 
قال دا صيد
 
سهل و حلال
 
 
 
هب نط ف كرشه دوغري
 
جاب بيجامته لحد ديلها
 
اسماعين بدال ما يجري
 
قال يا رجلي
 
رجلي مالها
 
 
 
بص شاف الدم سايح
 
من عاليها و من واطيها
 
و ياللي جاري
 
و ياللي رايح
 
المجلة مش لاقيها
 
 
 
حبه و تلمو الظنايا
 
اللي هما البوابين
 
و الهكايه و الروايه
 
قال لهم دا كلب مين ؟
 
كلب مين
 
ما كلب مينشي
 
سمعه لبخ حبتين
 
قال له واحد فيهم امشي
 
اللي جابك انده مين
 
 
 
قال دا شارع يا مواشي
 
للجميع
 
راكب و ماشي
 
 
 
كلمة من دا
 
و كلمة من دا
 
ظاطو و انقلبت فضيحة
 
قول نهايته و القصد من دا
 
اسماعين شرب الطريحة
 
 
 
راحو اسم الشرطة جمعا
 
و النيابة كفيلة بيهم
 
و اترموا ف الحجر طبعا
 
لما ييجي الدور عليهم
 
شاف بلاوي ما تنحكيش
 
م الهفايا المحبوسين
 
قال يا عالم
 
يا شاويش
 
يا نيابة .. يا مسؤلين
 
 
 
خلصوه بعد المناهدة
 
جثه
 
من جحر الديابه
 
هي يمكن ساعة واحدة
 
كان ف مكتب النيابة
 
 
 
قال له ـ مالك يا اسماعين
 
قال له ـ زي البمب مالي
 
قال له ـ عضك فوكس فين
 
قال له ـ سيبني أروح لحالي
 
انت شوف سي فوكس يمكن
 
خد تسمم غصب عني
 
الوكيل قال برضه ممكن
 
و الشاويش قعد يغني
 
هييص يا كلب الست هيص
 
لك مجامك ف البوليس
 
بكرة تتولف وزارة
 
للكلاب
 
ياخدوك رئيس
 
 
 
انت توى ف النيابة
 
تسعمية من الغلابة
 
طب يا ريت يا فوكس كنا
 
و لا تربطنا الجرابة
 
 
 
انت فين و الكلب فين
 
انت كده يا اسماعين
 
طب دا كلب الست يا ابني
 
و انت تطلع ابن مين
 
 
 
بشرى لصاحب الديول
 
ولــللي له أربع رجول
 
بشرى لسيادنا البهايم
 
من جمايس أوعجول
 
اللي صاحبه يا جماعة
 
له أغاني ف الاذاعة
 
راح يدوس فوق الغلابة
 
و النيابة
 
بالتباعة
 
هيص يا كلب الست هيص
 
هيص يا كلب الست هيص
 
اسم الاغنية : كلب الست
 
كاتب الاغنية : كلمات: احمد فؤاد نجم
 
ملحن الاغنية : غير معروف
 
غناء : الشيخ امام
 
شارك المقالة:
57 مشاهدة
هل أعجبك المقال
0
0

مواضيع ذات محتوي مطابق

مقالات عشوائية

ما هو اختبار التهاب الكبد الوبائي وكيفية علاجه
ماهو هرمون البروجسترون والغرض من إجراء اختباره
تمارين تقوية اليدين
تعرف على البنك الأهلي التجاري في المملكة العربية السعودية
ماهي دواعي إجراء تحليل CEA وفوائده
ماهو تحليل 5 هيدروكسي أندول استيك وكيفية إجرائه
ماهو البيليروبين وماأسباب إجراء أختباراه
ما حكم التعامل بالمصارف المعاصرة
البيع إلى أجل
البيع بالمرابحة
ما هي افضل تمارين لياقة بدنية للرجال
ما هو التمويل بالمضاربة
معلومات عن بنك البلاد في المملكة العربية السعودية
ما هي الدهون أنواعها ونسبتها الطبيعية في الدم
ما هو التمويل بالمشاركة
التصنيفات تصفح المواضيع دليل شركات العالم
youtubbe twitter linkden facebook