كلمني يا قمر فهمني ياقمر
جمالك ليه ظهر الليلة يا قمر

دي نجومك يا سما بترقص في السما
بقى لي كم سنة ما شفتش حسنها
وايشمعنى ياترى الليلة ياترى
نجومِك في الفضا طالتني وطلتها
يا هل ترى ده خيال في العين
فات عالعيون وسرح بيهم
والا الجمال صادف روحين
فرح الوجود من معانيهم

ما تقول لي يا قمر فهمني يا ....

يا واهب الفنان بالروح وبالوجدان

يا اللي خلقت الليل لعيون تقول ياليل
قول لي نجوم الليل كاتبة لي ايه عندك
يا هل ترى ده جمال ح يدوم
وح أشوفه ويشوفني تاني
والا الآمال ح تنام وتقوم
والاقيها رايحة و فايتاني

ما تقول لي يا قمر فهمني يا ....
 

اسم الاغنية : كلمني يا قمر

كاتب الاغنية : حسين السيد

ملحن الاغنية : احمد صدقي

غناء : ليلى مراد