كلمات اغنية مريم ومي سيف الجامعه.

الكاتب: حنان حوشان -
كلمات اغنية مريم ومي سيف الجامعه.

كلمات اغنية مريم ومي سيف الجامعه.

 

مريم ومى بنياتى وحشتنى ولعبتن بى
تحياتى تصحو امامى اشواقا تهز النبض وتاتى
عميقا من شعاب النوم الاقى الذكرى بتاهى
سلام يا حمامتى اسكنن فى مسامتى
سلام يا غمامتى البتدني ابتساماتى
مريم ومى بنياتى وحشتنى ولعبتن بى
مسافر قلبى صوت يرن يسابق الريح
قلب الوالد انت صحيح تحن وتهم
حذراك من الجواك وحذراك من جرح التبريح
حتهرب منو جلدك وين ويوماً ما حتسكت تم
واخت رأسى
وافارق دنيتى وناسى
واخلى وراي كراسى
وما أسود سطر بالشين
وما تعود اساك العين

مريم ومى وبنيتى وحشتنى ولعبتن بى
طريق الشعب اوسع زحام؟
وقلب الشعب ارحب من رحاب الضو
ونبض الشعب كله حلم بداه بتم
تطلع من شقوق الارض الاف المدن قامات
ويطلع حتى من قلب الحجر والصى
شجر متشابك الهامات وجيلاً جاى حلو الشهد
صبايا وفتيه يمرحوا فى صباح الغد
عيونهم برقهم لماح سؤالهم رد
خفاف ولطاف وثابين اوان الجد
دفاعا عن حياض السلم والافصاح
سلم لى عليهم == سلم لى عليهم
جملة حتى اللسه قبل الخلق والتكوين
صناع الحياة اليوماتى ملح الارض
نبض الشعر والموسيقى والتلوين
هدامين قلاع الخوف
كانت هذه الدراجة يوماً ما كلاشنكوف
مابين منارات السمع والشوق
نقاشين فى جدار الصمت
نساجين خيوط الشمس كهربجية ؟
واجمل ما تكون الدنيا
رسامين حفاريين مجارى العصر
نصرا حروفو
واه حلالى تشمهن ترتاح
ح حرية
ت تغيير
ت تعليم
ك كتاب
م مسمار
ح حرية
ت تغير
ج جرار
سكة حديد وتهز وترز
ب بحارة بحراً عب وثار

كما تتلاحق الاعراف
كما تتمازج الالوان
كما تتصافح الاديان
كما تتمازج الالوان
هجين من سلالة الفخار والعز
مرور النسمة وعند هبة الاعصار
علم فى نشرة الاخبار
وهيبة على امتداد الكون
علما فى حماه الوردة حتى الزهرة والمريخ
شبح حرب النجوم انزاح
ايادى القهر خلف الظهر مكتوفين
افاعى السحت حيث مزابل التاريخ
سلم لى جملة حتى اللسة قبل الخلق والتكوين
بشوفهم كلهم حسه
عصافير ترك جنبى
مواسير اً ترش قلبى
حمامتى بتشرب حسه من ايدى
مريم ومى بنياتى سمعتن صوتى جيتن لي
مريم ومى بنياتى سمعت حسى جيت لي
طلعتن من زوايا السجن كاللبلاب
وبين السنكى والترباس وبالرقاق وخلف الباب
عبر السور ذى النجمة والعصفور
تجرن جدولاً رقراق
من حبل العشم فتلات
من حقل الوطن شتلات
امكم الفى قلب جبتن لى
من تيابه شراع
منديل خيوط شعاع
وكراسا مسطر بالضحى اللماح
وخط ايده وشعور الحى
وقالت لى قالت لى وقالت لى
سلام يا ابو مريم ومى
ثباتك شعلة فى ايدى
بناتك خلى راسن فوق
وحاشاك الكلام النى
وحاتك ماانكسرن وراك
ولابد من يعود الحى
وفجراً كالكرب حيبين
وشعباً تب ترب حيقوم
ويملا شوارع الخرطوم
وتجري مدامع الحلال
تجر النم تسوى القوق
فوق سودانا فوق سودانا فوق
بدل شاهيك اشرب دم اذا قلت الكلام النى
وانا الما عندى ليهن شىء
لا فى البنك ولا فى الدين سوى الكلمة المابتنداس
ولا بصبح مكان الرف ولا عصفور جو الكف
ولا صقر يحلق فوق وينزل كف
نبض الشعب اجمل من بريق الماس
واجمل من حليب الستره ما حبيت مشارب كاس
دم القمرية بين اغصان اشرف من موائد ناس
واقرب للوطن من ناس
وخير جانى ما عم البلد وسواس
أذن فلتقرع الاجراس
مريم حضرى الكراس
أميرة ومى تعالن جاى نغنى لاخر المشوار
نغنى لاخر الانفاس
نغنى لاخر المشوار

 

اسم الاغنية : مريم ومي

كاتب الاغنية : غير معروف

ملحن الاغنية : غير معروف

غناء : سيف الجامعه

 

شارك المقالة:
12 مشاهدة
هل أعجبك المقال
0
0

مواضيع ذات محتوي مطابق

مقالات عشوائية

كلمات اغنية نور عيني جمال فرفور.
كلمات اغنية ياحمامة جمال فرفور .
كلمات اغنية المنديل جمال فرفور .
كلمات اغنية الشال قلبي جمال فرفور.
كلمات اغنية غاب القمر جمال فرفور .
كلمات اغنية يا حب جمال فرفور .
كلمات اغنية يا سهارى جمال فرفور .
كلمات اغنية الوديع جمال فرفور.
كلمات اغنية يا حليلهم جمال فرفور .
كلمات اغنية صافية لبن جمال فرفور.
كلمات اغنية كمل صبري جمال فرفور.
كلمات اغنية اذكريني يا حمامة جمال فرفور.
كلمات اغنية يا مسافر جمال فرفور .
كلمات اغنية اوتذكرين صغيرتى جمال فرفور .
كلمات اغنية اخونك جمال فرفور .
التصنيفات تصفح المواضيع دليل شركات العالم
youtubbe twitter linkden facebook