كلمات اغنية من النهاردة مجد القاسم.
من النهاردة حياتي انا ببتديها، وأجمل حاجة فيها
انك مشاركني فيها، م الدنيا انا استكفيت
غيّرت فيّا، خليتني واحد تاني، بتضحي كتير عشاني
ودي حاجة فيك عاجباني، أكتر مانا اتمنّيت
غلاوتك عندي بزيادة، ومين في الحب له إرادة
يا فرصة عمر ومتتسابش، قابلت ملاك ومش عادة
يا فلتة في وقت مش وقتك، لا في منّك ولا زيك
معاني الدنيا دي متوصفش سعادتي بإن انا قابلتك
كلام في سرّك انا بحبك، طمعان في حنيّة قلبك
العين عليك انا بقى قاصدك، كبرت في مخّي أعيشها معاك
متفتكرش انها صدفة، انا جاي وسائل ع الوصفة
عينيا غيرك مش شايفة، شمال، يمين، بلاقيها وراك
غلاوتك عندي بزيادة، ومين في الحب له إرادة
يا فرصة عمر ومتتسابش، قابلت ملاك ومش عادة
يا فلتة في وقت مش وقتك، لا في منّك ولا زيك
انت اللي خدتني ع الهادي سلّمتلك وبقيت راضي
ديّتها اشوفك انا قصادي، معرفش قلبي واخدني لفين
ودي دنيتي اللي اتمنيتها، ومادام معاك تبقى ف بيتها
ودي فرصة ليه انا افوّتها هو اللي زيك منه اتنين
اسم الاغنية : من النهاردة
كاتب الاغنية : كريم عيسى
ملحن الاغنية : كريم عيسى
غناء : مجد القاسم
العربية
