كلمات اغنية هما مين واحنا مين الشيخ امام مكتوبة.

الكاتب: حنان حوشان -
كلمات اغنية هما مين واحنا مين الشيخ امام مكتوبة.

كلمات اغنية هما مين واحنا مين الشيخ امام مكتوبة.

 

هما مين واحنا مين

هما الأمرا والسلاطين

هما المال والحكم معاهم

واحنا الفقرا المحكومين

حزر فزر شغل مخك

شوف مين فينا بيحكم مين

احنا مين وهما مين

احنا الفعلا البنايين

احنا السنة واحنا الفرض

احنا الناس

بالطول والعرض

من عافيتنا تقوم الارض

وعرقتنا يخضر بساتين

حزر فزر شغل مخك

شوف مين فينا

بيخدم مين

هما مين واحنا مين

هما الامرا والسلاطين

هما الفيلا والعربيه

والنساوين المتنقيه

حيوانات استهلاكيه

شغلتهم حشو المصارين

حزر فزر شغل مخك


احنا مين وهما مين

احنا قرنفل على ياسمين

احنا الحرب حطبها ونارها

واحنا الجيش اللي يحررها

واحنا الشهدا ف كل مدراها

منتصرين او منكسرين

حزر فزر شغل مخك

شوف مين فينا بيقتل مين

هما مين واحنا مين

هما الامرا والسلاطين

هما مناظر بالمزيكه

والزفة وشغل البولوتيكا

ودماغهم طبعا استيكه

بس البركه في النياشين

حزر فزر شغل مخك

شوف مين فينا

بيخدع مين

هما مين واحنا مين

هما الامرا والسلاطين

هما بيلبسوا اخر موضه

واحنا بنسكن سبعة ف اوضه

هما بياكلوا حمام وفراخ

واحنا الفول

دوخنا وداخ

هما بيمشوا بطيارات

واحنا نموت

بالاوتوبيسات

هما حياتهم بمبي جميله

هما فصيله واحنا فصيله

حادي يا بادي يا عبد الهادي

ياللي عليك قصد الغنوا دي

لما الشعب يقوم وينادي

يا احنا ياهما في الدنيا دي

حزر فزر شغل مخك

شوف مين فينا

حيغلب مين
 


اسم الاغنية : هما مين واحنا مين

كاتب الاغنية : احمد فؤاد نجم

ملحن الاغنية : الشيخ امام

غناء : الشيخ امام

 

شارك المقالة:
78 مشاهدة
هل أعجبك المقال
0
0

مواضيع ذات محتوي مطابق

مقالات عشوائية

مهنة الصيد في منطقة الجوف في المملكة العربية السعودية
ما فوائد الجوز والعسل
الرد على من أخطا في تفسير التثليث
الإمارة هل تختص بالسفر
سؤال الرضا من الله وما هي أماراته
أشهر المأكولات الشعبية في منطقة الجوف في المملكة العربية السعودية
الاحتفال برأس السنة الهجرية
درجات الأنبياء ومكانتهم
تأخير الصلاة عن وقتها لتعنت السائق
أشهر المشروبات الشعبية في منطقة الجوف في المملكة العربية السعودية
رفع السبابة عند الأذان والإقامة
الخشوع في الصلاة وعند قراءة القرآن
احتساب صوم عاشوراء من القضاء
اكل الحلى لمن لديه هبوط في السكر أثناء الصلاة
تعرف على الطرق التقليدية للعلاج بمنطقة الجوف في المملكة العربية السعودية
التصنيفات تصفح المواضيع دليل شركات العالم
youtubbe twitter linkden facebook