كلمات اغنية وافيت قبل امس بالديره عجوز بشير حمد شنان

الكاتب: ولاء الحمود -
كلمات اغنية وافيت قبل امس بالديره عجوز بشير حمد شنان

كلمات اغنية وافيت قبل امس بالديره عجوز بشير حمد شنان.

 
 
 
وافيت قبل امس في الديره عجوز ... عليها واشكالها اللعنه تجوز
ما تقرب امر ٍ خبيث الا تفوز ... همها في العمر تحليل الحرام
قربت مني وقالت في ندم ... هالطريق يودي لسوق الغنم
قلت انا مدري اسألي شخص ٍ فهم ... وابعدت عنها وتوسطت الزحام
تابعتني والعيون مشهرات ... تركض بسرعه ورافعة العباة
قلت وش تبغين قالت لك وصاة ... جارنا ابو فلان يهديك السلام
 
قلت هذا اللي تسمين اجهله ... قالت تعرفه وتعرف منزله
بتعترف ولا يالله نوصله ... يظهر الكذاب منا بالكلام
قلت انا والله غشيم في البلد ... لا اعرف شوارع ولا اعرف احد
واحلف لك ايمان في الرب الصمد ... اني معك صادق ٍ في ذا الكلام
قالت الايمان عندك جاهزه ... ولو نقضي الفين حلف ٍ بارزه
حجتك هذي قديمه وبايزه ... يالله مشينا لا يجينا الظلام
 
وقلت انا مواعدلي انسان عزيز ... وسط منفوحه ومن حول النشيز
قالت اصبر شف معاي اربع صور ... حافظتها لك يجيلي من شهر
واظهرت من بينهن صورة قمر ... يبري الالام ويزيل السقام
قامت بي الارض والدنيا تدور ... ودخلت بعد الزعل دنيا السرور
وقربت مني وقالت في غرور ... بتروح والا لا تطول في الكلام
قلت انا بمشي معك للي تبين ... لو في طريقي ذياب جايعين
وان ما كفى اليوم لو نقعد سنين ... انا تحت امركم ياهل الغرام
 
قالت مشينا وخلك من بعيد ... من شان في البيت انسان عنيد
كل ما قلنا نسى عناده يزيد ... قليل حشمه ولطف واحترام
قلت انا بقعد على هذا الرصيف ... كله على شان من دمه خفيف
لو يقفي البرد ويجينا المصيف ... ما رحت حتى اشوفه لو كلام
 
راحت وفي ظرف ساعه عودت ... وقربت مني وفي يدها اشرت
قالت مشينا ترى اللمبه طفت ... الجو صافي وشارعهم ظلام
وادخلتني بيت مثل المقبره ... ارضا وحيشه خلاوي ومقفره
الطوايق فاتحه ومكسره ... يشبه عشاشا تبنا للحمام
 
قلت يا خاله اذا عندك بساط ... ارجوك هاتيه احسن من بلاط
قالت لي ما اخبر سوى هذا السماط ... اصبر دقايق وتمشي في سلام
 
قلت انا ما عاد ابي شي بتات ... عجلي نادي لنا زين الصفات
قالت المذكور لاجا من الصلاة ... ينام بدري على شان الدوام
قلت يا خاله ابي منك السماح ... بروح للبيت وارجع في الصباح
قالت لي ارجوك خلك من المزاح ... بنوم انا وانت يابن الكرام
 
سكت و النار في قلبي ولعت ... وقلت ابي الدكان اباخذ لي بكت
راحت وفي ظرف دقيقه عودت ... وجابت بكت كنت من عشرين عام
 
 
 
 
اسم الاغنية : وافيت قبل امس بالديره عجوز
 
كاتب الاغنية : غير معروف
 
ملحن الاغنية : غير معروف
 
غناء : بشير حمد شنان
 
 
شارك المقالة:
406 مشاهدة
هل أعجبك المقال
0
0

مواضيع ذات محتوي مطابق

مقالات عشوائية

قصة والد الملك إلفيس بريسلي
قصة حقيبة أمي العجيبة
قصة راهبة الكاتدرائية
قصة معركة أوكيناوا لإنهاك الحرب العالمية
قصة ابتكار أحذية التزحلق
قصة السياسي ويليام ويلبرفورس
قصة مكرمه
قصة الملكة المحارب توتا وروما القديمة
قصة معلومات لا تصدق حول كريستوفر كولومبوس
قصة شركة الإمارات العالمية للألومنيوم
قصة بيهس وفرصته
قصة إنها جثة زوجي الأول
قصة الكاتبة مي زيادة
قصة نجاح الدكتور وليد فتيحي
قصة السفاح كولن آيرلند قاتل مثليو الجنس
التصنيفات تصفح المواضيع دليل شركات العالم
youtubbe twitter linkden facebook