تمنيتك لمراة تمنيتك
الحمد الله قلبي برا اليوم ونسيت لي جرى
كنت نتمنى غدوة تولي أم ولادي
مشيت بقلبي ما مشيتش بكلام الناس نسخايلهم حسّادي
مشيت معاك بعيد مانيش عامل حساب
ضحكة الملايكة لي على وجهك وراها شيطان كذّاب
شراتك الفلوس بالرخيس سلاك الفيس
الجيعان عمرو ما يشبع والملهوف ديما يبقى خسيس
بعت رجال باش تشري تصاور ما يدوموش
عطيتك أكثر من قدرك أمّا انتي قدرك ما عرفتوش
(يا قلبي)
بعت شرفك في السهرية
مشيت مع الذيوبة ما مشيتش مع لي مشى معاك بنية
كان يسخايلك بنت حلال تستاهل الخير
أمّأ انتي تحب تذلني كيفك ديما يبقى ذليل
يا مراة، لي كيفك ما توليشي بنت حلال
يا قلبي
يا قلبي
لي كيفك ما يحسوش ça fait trop mal mais
لي كيفك ما يهمّوش ça fait trop mal mais
ما علابالو بغدويكا au jour le jour أعطيه يعيش
كي يطلع فوق الطواول في يدو كاس يشطح عالموزيكا
ما نتمناكش مرتي خطرك مرت الناس الكل
حبيت الكل يحب الكل اضيع الكل في الكل
الحمد الله اليوم عرفت وجهك الحقاني
خير ملي غدوة تجيبلي العار قدام البراني
خير ملي غدوة ولدي تربيه مراة كيفك
كان ولد يطلع فاسد، كان بنية غدوة تطلع كيفك
ما نتمناكشي خاطر أنا ولد حلال
أمي وبابا جابوني في لحلال، وكلوني لحلال
أنا فايق الغافل منو ولوف
في بالو ياكل لحلال وهو ياكل في الحلوف
شنية هي مش باش تولي لي ضحكت عالرجال
كي تبدل قشرتها ذهب ما توليشي بنت حلال
يا قلبي
يا قلبي
نتمنى بنية ما باعتشي شرفها، مش لي شدوها برشا يدين
مش البنية لي الذيب خطفها، أمّا نتمنى بنية بنت حلال تكون
كي نحط راسي عالمخدة نتهنى نرقد ويجيني النوم
ماكيش البنية لي تمناوها أمي وبابا
تمناولي بنية ما كلاوهاش الضبوعة في الغابة
تمناولي مراة لي تعرف قيمة الرجال
لي تصبر مع راجلها في أخيب وأحسن لحوال
أمّا انتي ما فيكش قطرة دم من هذا الكل
كان جا عندي ولد ويسألني عليك شنية باش نقولو؟
ما نتمناكش تربيلي صغيري en fin de compte
يا قلبي
اسم الاغنية : ياقلبي
كاتب الاغنية : غير معروف
ملحن الاغنية : غير معروف
غناء : بلطي
العربية
