يا خلي القلب يا حبيبي لو فى قلبك قد قلبي حب يا حبيبي
لو بتكوي النار نهارك لو بتسهر زي ليلي
لو صحيح بتحب كنا نحضن حبنا ونبعد بعيد
عن عيون الدنيا عن كل العيون
لو في قلبك قد قلبى حب
كنا نمشي الف ليله وليله ليل ونهار
لما نوصل نجمه ما لهاش اي جار
والا نسكن لؤلؤه فى ابعد بحار يا حبيبي
---
القمر القمر خدنا على موجه قمر
فوق الصحاري والسما والبحر والليل والوجود
القمر خدنا لجزيره ابعد من الخيال
لا شافتها عين ولا خطرت ببال
يا حبيبي وصلنا فوق بر الامان
افتح البيبان لقلبك ولشبابك ولحبيبك
ابعد الخوف عن رموشك اوعى شئ فى الكون يحوشك
غني .. ارقص ..اجري ..اجري .. اجري
اضحك قل بحبك
وانس كل الدنيا الا عيوني عيون حبيبك
ما تشوفكش عيون يا حبيبي
---
شفت وخداني الاماني لحد فين شفت بحلم بحلم قد ايه
يرضيك نحب الحب ده ونعيش بعاد بالشكل ده
عايز احس بحب مالي كل لمحه من وجودك
عايز احس اني ابتسامتك دمعتك فرحه شبابك لون خدودك
عايز احس اني حبيبك ولهيبى يصحي لهيبك
يا حبيبي رجعنا فوق بر الامان
افتح البيبان لقلبك ولشبابك ولحبيبك
ابعد الخوف عن رموشك اوعى شئ فى الكون يحوشك
غني ارقص اجري اضحك غير عيوني عيون حبيبك
ما تشوفكش عيون يا حبيبي
اسم الاغنية : يا خلي القلب
كاتب الاغنية : مرسي جميل عزيز
ملحن الاغنية : محمد عبدالوهاب
غناء : عبد الحليم حافظ
العربية
