يا قمر دورين أنا شفتك وين...
طبعا في الليل.. في ضفاير النيل
في رمال سهرانه و راجياك تسيل
في دموع الساقيه يرنو ليها نخيل
في وجوه فرحانه عامره بالتهليل
في عيون نعسانه غارقه في التكحيل
وكل ديل في وطني..
بحبك يا وطني.. بعزك يا وطني..
شمس الصباح والصباح رباح شمسك ياوطني
طعم النجاح الزانو كفاح.. طعمك ويا وطني
حتى الجراح الزمانن... راح مهرك يا وطني
أهلي الفصاح أسياد الصباح درعك يا وطني
كل الملاح الجمالهن... فاح زينتك ياوطني
انت عندي كبير... و حبي ليك كتير
القومه ليك يا وطني..
علوه.. وخلوه.. في عين المحال
أبنوه.. و مدوه.. بالمال و العيال
زيديوه.. و أبنوه.. بعزم الرجال
بأملنا وبعملنا و بالمحنه
و بوفا النيل في دمانا نبني جنه
و نبتهج نحنا و صغارنا و نتغنى
يا أصلنا و مبتدانا يا حلاة مسرح صبانا وذكرياتنا و مشتهانا
انت فينا كبير و ريدنا ليك كبير
القومه ليك يا وطني
اسم الاغنية : يا قمر دورين
كاتب الاغنية : غير معروف
ملحن الاغنية : غير معروف
غناء : عبد الكريم الكابلي
العربية
