يقولون المحبه الصادقه تبغي فعل وكفاح
وانا اللي كافح الدنيا واخر همي حسادي
أنا مركب رِفضْ يِقْبل نوايا الموج والأرياح
آموت بعِز لكني أنا ما غيِّر مرادي
تبي التِّفاح بالمنطِق تعلّم توصل التِّفاح
ترا التِّفاح ما ينزل على راحات لآيادي
أنا ماعيش في كِذْبة علاء الدين والمصباح
أردِّدها مِثل غيري عشان أنيِّم أولادي
أنا أكره ناس للحاجة تجيني بدمعة التِّمساح
وأنا أللّي أكرم الصّادق ولو هوياخذ أعيادي
أنا فيني مِشاعر تستهيض البلبل الصدّاح
أنا فيني قِصايد طيِّرت من عيني رقادي
عشقتك في زِمن كاذب وفيه الحب لِعب مزاح
ولقيتك إنته الصّادِق وغيرك أخسره عادي
كفايه إن كِتبت إسمك على الأوراق أنا أرتاح
خرز إسمك على قلبي وعِرقي خيط للمسباح
أعيشك في طمأنينه وكنّي عايش بلادي
قلوب النّاس ما تِخْلق معاها للزِّمن مفتاح
وأحسِّك إنت مفتاح القلوب ولحظه إسعادي
وأنا مِثل الخلوج إللّي تِحِن إذا نُووْ مِسراح
وأحس روحي على شْداد المطِيّه لا حدى حادي
صحيح الحب له قِسمه وربّي مازج الأرواح
مِزج روحك معا روحي وقلبك مازج فوادي
اسم الاغنية : يقولون
كاتب الاغنية : اصايل
ملحن الاغنية : البحر
غناء : اميمة طالب
العربية
