كيف أقسم راتبي تقسيمة ممتازه بحيث يبقى لآخر الشهر؟
انو يكفي الراتب لآخر الشهر هذا بعتمد بالدرجة الأولى على شو عندك التزامات ومصاريف.. هل الراتب بغطيها او لا؟
وبالتالي حتى يكفي الراتب لآخر الشهر عندك خيارين إما بتقلل مصاريفك على قد الراتب أو بترفع دخلك إنك تدور على عمل اضافي..
خلينا نحكي بالمصاريف؛ تقسيمة الراتب تكون في البداية سداد الالتزامات اللي عليك قسط سيارة ، ايجار، فواتير مي وكهربا وهاتف، قسط مدرسة أو جامعة،..، وغيرها من التزامات....
ما بقي بعد دفع الالتزامات الدخل الصافي يقسم كالتالي: بنزين سيارة او بدل مواصلات، اكل وشرب، ملابس ، ورفاهية مثلاً رحلة او الذهاب لمطعم أو لمدينة العاب، مصاريف اطفال ، مصروف زوجة، مصاريف علاج ان لم يكن لديك تأمين صحي.. وغيرها من تفاصيل! ما تنسى تخللي نسبة من الراتب سميه مثلاً حساب او صندوق طوارئ ما تصرف منه الا للطوارئ..
كيف التقسيم؟ بيعتمد عليك كخصوصية وضعك! مثلاً اذا كنت تعمل ميداني خلينا نحكي مندوب بالتالي انت رح تستهلك اكثر اشي بنزين سيارة أما كنت تعمل مكتبي رح يكون استهلاكك اقل من البنزين... والاكل والشرب لعائلة صغيرة يختلف بالتأكيد عن عائلة كبيرة... وهكذا
وبالتالي النسب انت بتحددها ؛ مثلاً 20% من الدخل الصافي مواصلات او بنزين، 50% اكل وشرب، 10% رفاهية ، و5% حساب طوارئ وغيرها... المهم تحدد بدقة وبتفصيل المصاريف وتحدد نسبة لكل وحدة منهم وتلتزم بهاي النسبة جدياً..
المشكلة هون كمان اذا كان الراتب اقل من الالتزامات والمصاريف.. وهون بدك ترجع تشوف شو المصاريف اللي ممكن تقللها أو الالتزمات اللي ممكن تستغني عنها... وترجع تجدول مصاريفك بحيث يكونو اقل من الراتب وليس العكس! او بتدور على شغل تاني بعد الدوام مثلاً او اي شكل آخر من اشكال الدخل مشروع خاص او عمل حر او غيره..
ممكن اجابة هذا السؤال ايضاً تفيدك : هل يوجد طريقة جيده ومجربة لأدارة المصاريف مع امكانية الأدخار ؟
العربية
