أجمل قصائد حامد زيد<br><br>من أجمل قصائد حامد زيد قصيدة أهل الجنوب وقصيدة الجمهرة<br><br>قصيدة أهل الجنوب<br><br>وعيني اللي كل ما ذعذع من الغرب هبوب<br><br>يحلا لها لون الغروب اللي يذوب قبالها<br><br>ويا ويل حالي كل ما يحلالها لون الغروب<br><br>تطري لي الريم اللعوب وسالفة ترحالها<br><br>وعز الله اني كل ما تطري لي الريم اللعوب<br><br>حرمت امد ايدي على حاجة وانا ما اقوالها<br><br>من سافرت ريم الفلا صديت عن كل الدروب<br><br>ما هو قصور بالعذارى بس ذيك لحالها<br><br>من فارقتني ما خطف قلبي من الحور محبوب<br><br>ولا لقيت الجادل اللي تستحق احيالها<br><br>لأن القلوب ان ما وفت لأحبابها ما هي قلوب<br><br>والعشره اللي ما ترد الروح ما نسعى لها<br><br>إما الوفى اللي يستر الرجّال من كل العيوب<br><br>والا الجفى اللي يستر عيوب العرب في رجالها<br><br>ما اقسى من فراق الجنوب الا فراق اهل الجنوب<br><br>ويلي على اللي كل ما تزعل تشد رحالها<br><br>اللي مذيره العتب لا شبت بصدري شبوب<br><br>عييت اراضيها وهي عيت تطول بالها<br><br>كانت معي مثل النصيب يحدني من كل صوب<br><br>كانت دروبي من متاهات الظلل لظلالها<br><br>كانت هروبي لا شعرت اني بحاجه للهروب<br><br>كانت سماي اللي ليا ضاقت علي ألجالها<br><br>ليه اتحداني وانا في كل الاحوال مغلوب<br><br>ليه حرمتني من قهر عذالي وعذالها<br><br>ليه اتجاهلني وانا لاني جبان ولا كذوب<br><br>ليه ارخصت دمعي وانا اللي ما بكيت الا لها<br><br>ما ترحم اللي له سنه كأنه على النار محطوب<br><br>ما هزها دمع الفقيد اللي بكته أطلالها<br><br>ما خافت تهدم السنين اللي بنتنا طوب..طوب<br><br>ما فكرت تشفق على حالي وترحم حالها<br><br>قولوا لها لو ما تذوب انا بخليها تذوب<br><br>قولوا لها لو ما عنت لي مستعد اعنالها<br><br>إليا ادمحت لي هالخطا بدمح لها كل الذنوب<br><br>وإن جابت الحسنى معي تبشر بعشر أمثالها<br><br>أفرش لها صدري وطن وأجمع لها ضلوعي شعوب<br><br>وأرقى لها المكانه اللي ما حد(ن) يرقى لها<br><br>إن كاني مخطي فأنا ماني خليّ من العيوب<br><br>الذنب يغفر والبشر تجزى بقدر أعمالها<br><br>البعد قاسي والفراق يضيق الصدر الرحوب<br><br>وانا تعبت ادور الحيله وارد احتالها<br><br>قولولها ترجع ترا ماني على الحزن مغصوب<br><br>وإلا ترا نذر(ن) علي انه ماهو ب أشوالها<br><br>إما تجنب هالهبال وتترك البعد وتتوب<br><br>والا بتبشر بالهبال اللي ما هو بهبالها<br><br>كافي زعل ترا الظروف مقفله من كل صوب<br><br>وأنا حملت من الهموم انواعها واشكالها<br><br>يكفيني اني كل ما هبت على صدري هبوب<br><br>تحن عيني للجنوب وتلتفت بلحالها<br><br>والمشكلة اني كل ما حنت عيوني للجنوب<br><br>تطري لي الريم اللعوب وسالفة ترحالها<br><br>وعز الله اني كل ما تطري لي الريم اللعوب<br><br>حرمت امد ايدي على حاجة وانا ما اقوالها<br><br>قصيدة الجمهرة لحامد زيد<br><br>الجمهره<br><br>مشكلتي إني ماعرفت أحسب لصدتهم حساب ... قلطتهم صدري علـى ذكـري قصيـد وحنجـره<br><br>صوت ٍ يصول بمنبره واخطاب مامثله خطاب .. والطيبه اللي زعزعت صوت الخطيب ومنبـره<br><br>مافيه دمع ٍ صوبوه أحبابي بوجهي وخـاب ... ولازرق حزنـي علـى غالـي ولافـج انحـره<br><br>كل الزهاب اللي معي ذكرى من أصحاب الزهاب ... واللي بقالي من عذاب اشرس طريقي وأخطره<br><br>لأني تجنبت الغرق.. عديت من فوق السحاب .. لأن أكثر أصحابي ورق..ماشفت للطيـب إثمـره<br><br>والله ماحطيت بين الحقد والخوه حجاب ... حتى غدوا ربعـي يحدونـي علـى الضيـق أشكـره<br><br>أثر المصايب ماتجيك إلا من الناس القراب .. وبهالزمن حتى الخـوي اللـي تثـق فيـه أحـذره<br><br>لابارك الله في رفيـق ٍ تزعلـه كلمـة عتـاب .. ولاجمـع الله الرجـال اللـي تفرقهـم مـره<br><br>الصاحب اللي مايجي من صحبته غير العذاب ... نذر ٍ علي إن ماهجرني وإلا أنا اللـي بأهجـره<br><br>من يفتح لفرقـاي بـاب أفـك لـه عشريـن بـاب ... وأذا خويـي مايقـدر خوتـي ماأقـدره<br><br>عقب أكتئاب البارحه ماعاد انا حمل إكتئاب ... الطيب جرجرني وانـا مانـي بناقـص جرجـره<br><br>اللي يخاف من الظما يترك لنا طرد السراب .. واللي ماهـو بقـد الظـلام ووحشتـه لايسهـره<br><br>انا تجرعت الظما لين أحترق وجهي وذاب .. انـا كسـرت بخاطـري قبـل الصداقـه تكسـره<br><br>انا أكثر (أنسان) تعلم من كثر ماأخطأ وصاب .. انا أخر (لسـان) يتكلـم فـي زمـان الثرثـره<br><br>جفني وجرّحه السهر ، حيلي وهدّت الصعاب .. دمعي هدر،ضحكي ندر،عمري وضيعت أكثـره<br><br>شيبت بعقول العرب..هيبت روس ٍ ماتهاب .. جمهـرت نـاس ٍ عمرهـم مايعرفـون الجمهـره<br><br>ماصرت ذيب إلا لأن اللي تحدوني ذيـاب .. مـا كنـت أغيـب إلا لأن العفـو عنـد المقـدره<br><br>ترى حلاتك لاحملت لصاحبـك كلمـة عتـاب .. أن مانطقـت بهـا بوجهـه ماتذمـه بظهـره<br><br>ودك اليامن جاتك الغلطه من الناس القـراب .. الصاحـب اللـي ماكسبـت محبتـهماتخسـره