الخالُ هو الأب والأخ والصديق المقرب لأولاد أخته فهو يحبه ويحنو عليهم، فهو يترجم محبته وتقديره لأُخته، ويحبهم مثل أولاده، وفي هذا المقال كتبنا لكم عبارات عن الخال.
سلام يا خالي ولد خالي الخال اللي وفاء بحقوق من صار خاله
عز الله إنك خال يا طيب الفال ونعمٍ بخالي كل ما جاء مجاله
معقودةٍ بفعولك أمال وأمال يا سالكٍ درب الشرف والرجالة
أنت الذي فعلك نفل كل الأجيال تكرم كرم حاتم وتفعل إفعاله
ساس الوفاء والطيب بك يا ابن الأبطال عيال غادٍ يا عسى الخلد فاله
فيكم كرم للضيف مع زين الأفعال وقت المعارك والظفر والشكاله
وأنتم هل الفزعة كريمين الأسبال أهل السخاء والجود وأهل والجماله
أبو فهد لاجت بالإقفا والإقبال يرسي كما ترسي رواسي جباله
حلال قالاتٍ عريضات وطوال عون الرفيق وسم راع الضلالة
ما هو من اللي مع هل الدار ميال يحلها بحكم الشرع والعدالة
جعل الولي يحماه من كل النذال واللي يعادي له تصيبه بحاله
ونايف أبو مشعل للأشراف مدهال ولأهل الكرم والطيب يازين باله
به ميزة ما توجد بكل رجال حب الرفيق وحب منهو عناله
وكلهم وافين ما احتاجوا إكمال الكل منهم وافيات خصاله
وأنت يابو ليلى بك الطيب مازال فعلك به يبين الوفاء والكماله
وفهد وخالد والنعم فيهم رجال نسل الرجال أهل الأصل والأصالة
وسطام لأمنه حداك أشهب اللال تلقى السعادة والهناء في قباله
وتركي كريم ما خذا قلبه المال يبذل ولا هو من ربوع النذالة
وجميع منهو يا فتى الجود لي قالت رأي خال لك وأنا من عياله
وأطلب عن الزلة سموحتك يا خالي وافين بحقوق من صرت خاله
لبيك ياخالي ولا قلت لبيك
أسوق لك روحي على راحة إيديك
مبدئي واضح ما يخالف مباديك
لو غبت عن عيني فلا غاب طاريك
أفخر بك وأقصد قصيدك وأغنيك
حاضرك يحكي لي تفاصيل ماضيك
لو شفت قدرك في حنايا محاكيك
وينك صداها من هواجس بناخيك
مضمونها لبيك لبيك لبيك
سلام يا رمز الكرم يا السلاطين
ما قولها مجامل ولا طالب شين
الطيب واضح يا خوالي من سنين
أنتم سند للي يبي له معينين
وقفاتكم ما تنسى بالميادين
من ماضي الأزمان وأنتم وفيين
يحق لي أفخر خوالي سلاطين
ما قلتها من ضام أوشاكي دين
إن قلت سلطاني له الطاري الزين
ضعيفهم ما يشكي الفقر والبين
من طيبهم ترجح جميع الموازين
يستاهلون المدح للمدح زاهين