تُعدُّ الرياض من أجمل مدن المملكة العربية السعودية فقد تغنى الكثير من الشعراء والكتاّب بها .
قلبي تولّع بالرياض حب ورثته من الجدود
يا صفحة ناصعة البياض زرعتي الصحرا ورود
يا نجد يا أرضي وسماي يعجز عن الوصف اللسان
الحب مالي فيه رأي وما أظن لي غيرك مكان
العشق في دنياي هي وفي شمسها بسمة وضي
في قلبك الشوق الكبير حاكني عنّه شوي
حاكني عنّه شوي
اليوم من بعد الشتات صارت مثل وصف الجسد
في عز في أمن وثبات في ظل أبو فيصل فهد
وذراعه اللّي له يمين ولي عهده الأمين
واخوانه وكل آل سعود والشعب كلّه مخلصين
برد وسموم نحبها
في سلمها وفي حربها
نحبها.. نحبها.. نحبها
مملكتنا عشق كل المسلمين ما أكثر الحسّاد واللّي عاشقين
والله إنّك دمنا بعروقنا للعمر دونك ترانا مرخصين
جيت أشوفك
في عيونك شفت أنا كل الرياض
وأنتي تحكي
كم لمحت بقلبك الطيب بياض
وكم تملكني شعور عذب وايدك في يدي
وصرت أحسّ أن الرياض بحضرتك بالشوق فاض
مدري فيكم أي واحد يسكن الثاني أمانه
يسكنك أو تسكنينه يا دفاه ويا حنانه
منك ياخذ كل سحره وأنتي يا سحره أعرفك
تاخذين اللي تبين بلا جدال ولا أعتراض
ولو يبي يزعل بكيفه لا يهمك مهما يزعل
دامك أنتي وسط قلبي ما عليك من الرياض
كم مدينة جت تمنى معك قصة حب وأكثر
كم وطن ضيّع حدوده من سمع فيك وتبعثر
والله مدري كم؟.. لكن الأكيد أني
أحبك
وأن هذا الحب واقع مو مجرد أفتراض
ليه أحس أن الرياض أحيان كن ما به أحد
وليه أحس أحيان أنك أنتي صرتي كل أحد
الشوارع والمباني والبشر حتى الهوا
المسا والصبح وأكثر..
باختصار: إنتي الرياض
ما للرياض أحباب
إلا إنتي وعيونك
مثلي أبد ما تاب
للحين مجنونك
الله يمسي ديرة الخير بالخير
الله ينورها ويجلا ظلامه
عسى السحاب يمرها بالتباشير
يهل من وادي لبن للثمامه
قلت الرياض وانكشف سرها لبير
قلته وناحت وسط صدري حمامه
قلت الرياض وطار من مهجتي طير
مشتاق له والقلب زايد هيامه
يا سعود يا طول السفر والمشاوير
يا سعود طولنا عن أهل الشهامه
وين الحبايب والأهل والمناعير
ودي بشوفتهم ولو به ملامه
أغراب والغربه هجوس وتفاكير
وموج الهموم اليوم زاد التطامه
شهرين ماجتنا ردود ومعاذير
شهرين والهاتف سكت عن كلامه
الله يصبرنا على هالمقادير
بفراقهم لا ما نعرف ابتسامه
يارب عجل بالفرج والتياسير
يارب رجعنا لها بالسلامه
ارفع رأسك إنت سعودي
مالك مثيل بالدنيا
فارس وأجدادك فوارس
مغروس بالمجد وغارس
علمك غانم وجارك سالم
راعي صمله دايم وألم
في العالم ما مثلك مسلم
والخايف في دارك منعم
دايم سيفك بيدك سله
وحجاجك دايم منفله
فهد القايد فهد الرايد
والعيد بفضل الله عايد
غنيت حبك يا وطن ولثمت بحروفي سماك
وعشتك أكثر من زمن وسقيت من عرقي ثراك
إنت الأبو وإنت الولد وإنت التغرّب والبلد
وإنت الشدايد والرّخا أموت وتاريخك خلد
غنيت حبك ياوطن نبعك شرابي في الحياة
يا نشوة العز وهواه لأجلك لو كفوفي تذوب
وأمشي على جمر الغضاه غنيت حبك يا وطن
تُعدُّ الرياض من أجمل مدن المملكة العربية السعودية فقد تغنى الكثير من الشعراء والكتاّب بها .