أعراض مرض الكساح أو لين العظام، بالنسبة للأعراض عادةً تأتي الام تشكي انه طفلها في عنده تشوه في اغلب الاطراف الموجودة في الجسم، الطفل في هذا العمر لا يستطيع يشكي فهذه وظيفة الام انها تراجع الطبيب عند هاي الاعراض لما تشوفها، عادةً في الطرف السفلي معروف انه بكون في تقوس لجوا في الرجلين بكونوا فايتين والام بتلاحظ هاد الاشي لما تيجي تغير لطفلها.
بالنسبة للتشخيص، التشخيص لمرض الكساح او لين العظام هو ليس بالصعوبة لان التشوه واضح وظاهر، الام بالبيت بإمكانها تشوفه لما الطبيب يشوف هاي الاعراض موجودة عند هاد الطفل بطلب صور شعاعية غالبا بتكون صور شعاعية سينية من الحوض وتحت عشان يشوف التقوس ونحن كأطباء عظام في زوايا معينة بنقيسها بين مفصل الورك والركبة والكاحل، بنحط خط ونرى نسبة الميلان، بناءً على هذا الميلان بتتحدد الخطة للعلاج سواءً كانت العلاج التحفظي أو بالعلاج الجراحي.