قصيده لمحمد فطيس وكلماتها :<br><br>الله يجازي.. من يسوّي سواتك<br><br>وبذنوب من سوّى سواتك.. يجازيك<br><br>مشيت درب الثقل.. وتحبّ ذاتك<br><br>ما تدري إنه.. للمهالك يوديك<br><br>وغرّك جمالك.. يا خسارة حلاتك<br><br>ما تدري.. إن ما غير طبعك يحليك<br><br>بتقول زينك.. يشفع لسيئاتك<br><br>الحسن ما هو عن وفاء الحب.. يعفيك<br><br>لو التواضع والوفاء.. من سماتك<br><br>بعت الحبايب كلهم دين.. وأشريك<br><br>لكن عجزت أغيرك.. يا جراتك<br><br>على الغياب.. اللي بلا عذر ينجيك<br><br>خطاي.. في توضيح وشّي غلاتك<br><br>وخطاك.. في توضيح وشّو تغليك<br><br>وشلون توصيني.. وتنسى وصاتك؟<br><br>وتصدّ عن صوت(ن).. تقطّع يناديك<br><br>ما فاتك التجريح.. والعذر فاتك<br><br>وتبغي رضاي الحين..؟ ما عاد يمديك<br><br>صحيح أحبّك.. بس هذي جزاتك<br><br>بعلمك درس(ن).. يفيدك ويحييك<br><br>تدري وش أبيض من خفوقك.. عباتك!<br><br>وتدري وش اللي غرني.. نظرتي فيك<br><br>أدري بتستغرب.. تصبّر وجاتك<br><br>قصيدة من واحد.. (كان) يبغيك<br><br>وتبغي تناظر وأنت عايش مماتك..؟<br><br>شف وحدتك.. والناس تجلس حواليك<br><br>وتبغي تشوف أشجع رجل في حياتك..<br><br>شفني.. وأنا راحل على كثر ما أغليك<br><br>ومن قصائده عن الغزل قال :<br><br>ماكني أعرفه.. ولا كني أبغيه وانا عليه من أمه.. آحب واجرا<br><br>ياكثرها تسليمته.. يوم ألاقيه لي عين تكتب له وله عين تقرا<br><br>وإن حل طاريّه تجاهلت طاريه ماكني أدرى عنه وانا به أدرا<br><br>بسكات يغليني وانا حيل مغليه لاتليفون.. ولا مواعيد غدرا<br><br>يصون ودي عن عذوله يحاميه وانا عليه احجا من القلب وأذرا<br><br>حبٍ عفيفٍ والصراحه سواقيه في وقتنا ماظنتي.. زيد يطرا<br><br>لااسولف بحبه.. ولاني بكانيه وغيري لوانه يوالفه كان هذرا<br><br>احشم قريبه.. حشمةٍ له وأداريه وأخشى يجي في خاطره شي وأدرا<br><br>لايحسب اني يوم قفيت ناسيه لعيونه إني.. ماتحليت عذرا<br><br>ليت الزمن يرجع وانا اعلمه ليه<br><br>وليت الحظوظ من المقابيل تشرا كل العذارى.. بالوفا ماتساويه<br><br>كنه اليمين.. باقي الغيد يسرا قولوا له اني ماارتضي بالبدل فيه<br><br>لامال قارون.. ولاعرش كسرا يرتاح ماغيره ملى عين هاويه<br><br>غلاه نهر النيل.. والقلب مجرا وأكبر دليل اني إذا غاب أحاتيه<br><br>وكتب أيضا ً في الغزل :<br><br>بعض العرب حبه يوردك الجنون ولا يوصف له غلاه احكاك له<br><br>مايقنعه وصف الغلا لو وش يكون لو كل حرفٍ بالحرير يحاك له<br><br>الموت جاك وهو تقلبه الضنون ولا لك الا الصبر....وش وداك له<br><br>ان قلت ضايق..قال : هونها تهون مايدري ان ضيقتك له وبكاك له<br><br>تقعد تحبه وانت ساكت ومغبون يمكن بيوم يقال له ما اوفاك له<br><br>وكانك مشكك هو يمون .. او ما يمون تخيّل ان عفت الصبر فرقاك له<br><br>غلاه من فوق الغلا ماهو بدون وحكاه سمعك يجبرك بارخاك له<br><br>ودك تحطه فالعيون من العيون وتبسط على رمضى الثرا يمناك له<br><br>وتظله من الشمس في ظل الجفون ولا يمر اذنه سوا لباك له<br><br>وتسج من غيره لونهم يذكرون ومنين ما سجت القدم ممشاك له<br><br>فلو ٍ يميله الترف ميل الغصون غصن ٍ ليان ومكرمه بسقاك له<br><br>جديله الى اقفى ستر منه المتون كنّي بريحه لالتفت لدعاك له<br><br>يزها الملابس ..اي لبس ..واي لون وفالليل وجهه لا ظهر قداك له<br><br>كيك وعسل لكن ماهو في صحون ودعاك من عين الحسود اغطاك له<br><br>الله لا يعطيه ناس س ينضلون ويستر عليه من النحل لا ياكله<br><br>الوصف والتعبير في وصفه يخون غير اطلب الله يستجيب ادعاك له<br><br>وعذال قلبك في محبته يخسون سكينهم عن قطع حبله حاكله<br><br>ناس ٍ عن اعراض العرب ما يعرضون وحلوقهم دافع البلا متواكله<br><br>اللي من لحوم الاوادم ياكلون ودايم على نفس الشكل والشاكله<br><br>يدعيهم الشيطان للذنب ويجون هذا يقطع له وذاك يواكله<br><br>في سلمهم اولا بالاكل الاقربون واطيبهم اللي صيدته شكواك له<br><br>من جاك منهم لا تبّين له سنون واضرب يمينه لا بغى يسراك له<br><br>يا جعلهم فدوة ثر الغض الفتون اللي على الدرب الطويل اخطاك له<br><br>طيفه الى نام البشر زارك بهون وطيفك الى نام البشر سرّاك له<br><br>حبه دفان ومقبرة خضر الطعون بين العظام العوج كنك ناكله