تعرف على الموضوع للي يبون او يفكرون يسوون زراعة شعر في تركيا
الموضوع باين من العنوان
بنزل الموضوع للي يبون او يفكرون يسوون زراعة شعر
انا الصراحة كنت اعاني من التساقط و الصلع و مافي دوا ما استعملته ,في ادوية توقف التساقط بس لازم تستخدمها
باستمرار و اذا وقفت الاستخدام يتساقط الشعر ,فكرت اني اسوي عملية زراعة شعر و سئلت في لبنان و فرنسا قالولي الشعر ب دولار و فرنسا ب دولار و نص و بريطانيا انسي تسوى العملية ! شفت سعوديين ساكنين في بريطانيا و بلجيكا جايين يسوون العملية في تركيا عشان السعر و قالوا لي انه هناك في بريطانيا مافيه اقبال من الناس على عملية زراعة الشعر ! هني في الدوحة شفت طبيب زائر في عيادة خاصة قال لي العملية بتكلفك تقريبا 40 الف ريال ,
المهم عن طريق واحد من الشباب سافرت تركيا و شفت اكثر من مركز و اخيرا قررت اني اسوي العملية في المركز الي شفته و شفت صور قبل و بعد العملية لبعض المرضى و الصراحة انصح اي واحد يعاني من الصلع يروح يسوي زراعة لانه العملية بسيطة كلها 3ايام و انت خالص
هاي اذا المنطقة الخلفية للراس عندك فيها شعر ممكن تخلص في 3 ايام او اقل و اذا الكثافة قلقلة ممكن في مرحلتين .
واذا بتروحون مكان ثاني يفضل انكم تسوون العملية عند دكتور عنده خبرة لانه العملية هذي يبي لها تركيز و بال طويل بمعنى انهم يزرعون شعرة شعرة و الشعر لازم يكون جنب بعض عشان الكثافة تكون كثيرة و الشعر يبين طبيعي ,
العملية 3 ايام بالكثير و اسبوعين بعدها يتم غسل الراس ,ممكن عملية الغسل تسويها بنفسك
,بس انا انصح انه تكون اجازتك 3 اسابيع عشان تخلص كل شي هناك ترجع و لا حد يحس انك مسوى عملية زراعةشعر.
بالنسبة للتكلفة انا زرعوا لي 10000 شعرة و كلفتني تقريبا 13 الف ريال و نفس كمية الشعر في الدوحة قالوا لي 40 الف ريال ,طبعا هناك عندهم غرف في اي بي يعني تكون بروحك في غرفة خاصة و تدفع فرق بسيط , الصراحة انا عجبني كل شي عندهم والي يبي يروح يسوي زراعة الشتاء احسن وقت ,الصيف هم زين بس الحر يمكن يأذيكم شوي. عندي صور اذا حبيتوا ممكن انزلها لكم , و الي حابب يروح ممكن اعطيه العنوان و فيه واحد هناك ممكن يضبط له الفندق و ياخذ مواعد للزراعة .
ع
العربية
