تعرف على تاجير شقة في تركيا
كيفية تاجير شقة في تركيا
السلام عليكم ورحمة الله وبركاته
بالنسبة لتأجير شقة في تركيا اكتب هذا الموضوع حتى يكون عدكم فد معلومة ولو بسيطة عن بعض الامور...
خلوها ابالكم ان الشخص الجديد اللي يروح لتركيا لازم بالبداية يصرف الى حين الاستقرار.....
هسة نكول انت وصلت للمحافظة وشغلك كملته وتريد تاجر شقة ......
,,,اكتب الموضوع مع بعض الكلمات التركية ((بحيث ما نسويها صعبة لان ما رح تحفطها )) كلمات بسيطة وتكدر تلفظها بحيث المقابيلك يفهم عليك....
.......تشوف مكاتب مكتوب عليها (( املاكجي او املاك..emlak)) يعني مال عقارات.....تدخل على المكتب وبعدين تكلة (( كيراليك ايف فارمة ؟ )) يعني عندك بيت للايجار ...الدلالين يعرفون شلون يتعاملون مع العراقيين لان عندهم خبرة بالموضوع.......اذا انتو اربع اشخاص اب ام واطفال ثنين انت قبل لا يحجي كلة ((ايلة دورت كيشي)) يعني عائلة اربع اشخاص او اذا خمسة ((ايلة بيش كيشي ))...كم غرفة تريد اذا غرفتين كلة(( ايكي اودا )) واذا 3 غرف كلة (اوج اودا ))
...
مواصفات الشقة...اكو موضوع حجيت بي عن الشقق وعن الدفئة مالتها (( مهم جدا)) اذا انت تحب الشقة تدفئتها على الفحم اسمها ((كومور)) واذا تريد تدفئة على الغاز((دوال كَاز)) يعني دوار غاز..
اذا تحب شقة مؤثثة كلة ((اشيالي كيراليك دايرا فارمة ؟)) يعني عندك شقة مؤثثة ؟....او اذا تريد شقة فارغة ((بوش دايرا استيورم)) يعني اريد شقة فارغة....طبعا رح يشوفك الشقق اللي عنده .....اما اذا رحت ومعجبتك لان مثلا طابق خامس او رابع وانت تريد طابق ثاني مثلا ((ايكنجي كات استيورم)) يعني اريد شقة طابق ثاني وهكذا
...
..زين هسة انت شفت الشقة وعجبتك....لازم تسئلة عن بعض الامور....مثلا تكلة ((سو فاتورة صيفر )) يعني الماء مصفر ومابي ديون حتى ما تصير عليك ديون وتعال وروح ومدري شنو من هاي السوالف ...وتكلة (( اليكيتريك فاتورة سفر )) يعني الكهرباء...وكلة (( قاش بارا ايدات ايلك )) يعني خدمات العمارة مثل التنظيف او رفع النفايات او بعض الخدمات اذا كان بيها مصعد ..الخ ..
العربية
