تعرف على تجارة الخضار والفاكهة
فكرة المشروع ونجاحه تقع أولاً على الموقع فلابد ان يكون فى شارع حيوى الى حد ما
وبين تجمع سكنى
البـضاعة
تشكيلة متنوعة من الخضار والفاكهة تناسب طبيعة المكان ومتطلبات سكانه
الاصناف درجة ممتازة ومنتقاه ومسعرة
اصناف اخرى من الممكن دخولها وبيعها فى المكان
– مخللات متنوعة
– خضار مقطع و جاهز للطبيخ
وانسب وقت لبداية عرضهم فى شهر رمضان
اقل فترة تحمل للبضاعة يومين واقصاها اسبوع ( الخضار سريع التلف والفاكهة اكثر تحمل )
اساليب شراء الخضار والفاكهة
1- عن طريق التسوق ( من السوق مباشرة )
2- من مكان معين او شخص محدد سوبر ماركت / فكهانى
3- الشراء من خلال البواب
4- شراء اضطرارى عند اللزوم (عشوائى)
المصاريف الشهريه
ايجار شهرى من 600 الى 900 ج على حسب المكان
كهرباء فى حدود 100 ج
مصاريف اخرى غير متوقعة 150 ج
اجمالى المصاريف الشهرية فى حدود = 1000 جنيه
المبيـعات وصافى الربح
تم احتساب نسبة المبيعات بناء على عدد العملاء المتوقعين فى التجمع السكنى
وبناء على اساليب الشراء المعروفة والمتبعة
600 أسرة ( عميل محتمل ) ÷ 4 انواع من اساليب الشراء = 150 عميل متوقع التعامل معنا
150 عميل يتعامل معانا بشكل يوم ويوم بمعنى اخر يوم بيشترى ويوم لأ
فترة اكتساب عدد العملاء وتحقيق نسبة المبيعات خلال شهر واحد
اقل متوسط للشراء لكل عميل ما بين 5 الى 7 جنيه
المبيعات = 70 عميل × 6 ج = فى حدود 400 ج ( تم حذف الزيادة للتقريب )
عبارة عن بضاعه بمبلغ 300 ج / وربح 100 ج ( الربع )
اقل نسبة ربح نتبعها فى تجارتنا هى 25% بمعنى اخر بنكسب فى الجنيه 25 قرش مع وجود
اصناف تصل ربحيتها 50% واصناف تصل 100% بتوصل للمحل بجنيه وتباع ب 2 جنيه
تم افتراض برنامج الايراد بناء على دراسه مصغرة للسوق ومن سؤال اصحاب الاختصاص
ومبلغ 400 ج نسبه متوسطه والمستهدف 500 ج حجم مبيعات يوميه
فترة تحقيق نسبة البيع على يومين يوم بيشيل يوم المهم مجموع مبيعات اليومين 800 جنيه
مواعيد العمل فى حدود 12 ساعة
عدد ايام العمل المتوقعة اثناء الشهر 25 يوم
مع العلم بأن لا يوجد اجازات ولكن نضع فى الاعتبار 5 ايام لاى ظروف او حالة البيع سيئة
ليصبح لدينا 100 ج ربح يومى × 25 يوم عمل = 2500 جنيه ربح شهرى
صافى الربح = 2500 ج اجمالى الربح – 1000 ج اجمالى المصاريف = 1500 ج صافى
تجهيزات المكان واجمالى رأس المال المطلوب
2000 ج شهرين تأمين وشهر ايجار
2000 ج توضيب المكان عبارة عن بياض وبنر يفطه واضاءة
1200 ج مروحة كبيرة ستاند ومروحة سقف
1000 ج تليفزيون ورسيفر
1000 ج ميزان و شنط
1000 ج اعمال خشبية ارفف للعرض
500 ج اقفاص بلاستيك لعرض البضاعة
300 ج كنبة مستعمله وكرسى
3000 ج بضاعه عبارة عن 1500 ج بضاعة فعليا و 1500 ج تأمين
اجمالى رأس المال المطلوب 12000 جنيه
العربية
