تشاهد هناك سيارات الليموزيين بانتظار اصحابها وممكن يصادف أن تشاهد أيضا ممثلين ومشاهير عالميين.
يتميز شارع الشانزليزيه بحوانيت العطور والمجوهرات والثياب اضافة الى مقاهي راقية. وبتزيين بالشجر الأخضر على جانبيه. بنتهي في نهايته بقوس النصر.
لو وصلت باريس جميل أنك تشوفه عشان تشوف التنوع اللي في المدينة. لكن أنا شخصيا ما حبيته بشكل خاص أكثر من مناطق تانية في المدينة. بس بيبقى موقع خاص في باريس ومنظره بالليل مع الاضاءة والزينة برضه جميل.
في الشارع بتلاقي محطة التوكتوك العصري منتظرين يعملوا فسحة للزوار.
صديقتي صممت أننا نجرب نركب توكتوك والتسعيرة بتختلف حسب المسافة. يعني مثلا مسافة حولاي 20 دقيقة من الشانزليزيه لمتحف اللوفر للفرد بـ 20 يورو.
طبعا بعد الفصال نجحنا ندفع 30 يورو لفردين بدل 40 كانت تجربة حلوة. مش راح أكررها لو رحت باريس لكن كانت فرصة أشوف المدينة من منظار آخر تجربة لطيفة.
يقع قوس النصر على رأس شارع الشانزليزيه في ميدان شارل ديجول.
ممكن تصعد لأعلاه تشوف المدينة وتآخد صور. أنا تنازلت عن هذه التجربة واكتفيت أصوره من بعيد.
قوس النصر هو رمز انتصارات فرنسا الحربية في عهد نابليون بونابرت. وممكن نشوف فيه رمز للاستعمار والحروب بين الشعوب.
لكن نابليون شاف فيه رمز لعظمة فرنسا وتفوقها العسكري بتلك الفترة. محفور على جدرانه أسماء القادة العسكريين الفرنسيين وأسماء المعارك اللي انتصر فيها نابليون.
من أكبر حدائق باريس المشهورة وفي محطة مترو بنفس الاسم- لوكسمبورج بتوصل على بابها.
جزء من الحي اللاتيني قريب من منطقة سان ميشيل. بتوسطها قصر لوكسمبورج الضخم الجميل.
الحديقة ضخمة جدا وفيها مسارات مشي ومناطق جلوس وبتتزيّن بالعديد من الزهور المصممة بشكل جميل ووسطها برك- بحيرات صغيرة وبتجول فيها الحمام اضافة للناس.
بتنتشر فيها التماثيل الفنية وممكن تقضي فيها ساعات طويلة تستريح وتتمتع بالمنظر. الحديقة مذكورة في رواية البؤساء للكاتب فكتور هوجو الشهيرة
العربية
