تعرف على مقابله الICMC في تركيا
السلام عليكم ورحمة الله
تحيه طيبه لكل اعضاء المنتدى ...
اغلبكم قابلو مقابله ICMC خلال هاي الفتره ماشاءالله وانطوهم ورقه جديده بيها رقم لصفحه جديده لي هو رقم الTu ..
اخوان طبعا بعد متقابل مقابله الICMC حتكون الك صفحه جديده اتابع عليها ملفك من مقابله الوفد الى الفحص الطبي الى الدوره التثقيفيه الى ان تظهر الطياره ويتحدد موعد الطيران ان شااءالله..
اليوم حبيت اشرحلكم خطوات التسجيل بالموقع مال ICMC....
طبعاا الخطوات جداا بسيطه بس حبينهاا للفائده العامه
اول متفتح الصفحه مال تسجيل حشوف الواجهه مال موقع واكو فوك 3 لغات ( فارسي . عربي . انكليزي )
بعد مانحدد اللغه طبعا العربيه اكيد
ننزل الى الحقول او المربعات حتى نملي المعلوماات وحشرحلكم كل حقل شنو تملي بالتسلسل
1- تخلي رقم الTU بالحقل 1 واحد وهذا الرقم تلكا بالورقه لي حيسلمها الك الموضف مال ICMC بالمقابله تلكا مكتوب فوك ع اليسار بالبدايه مال ورقه
متكون من حرفين و6 ارقاام .
2- دخل رقم الملف UNHCR بالحقل رقم 2 رقم الملف لي اقصد بي الرقم لي انطوكميا بمقابله الفسفوره ابو حرف الC
3- الاسم تنقله كامل وتتأكد من حروفه نفس الاسم المكتوب بالورقه مالUNHCR
طبعا ملاحظه لازم تكتب اللقب بالبدايه ثم اول اسم وبعده الاب والجد
4- الحقل رقم 4 مخص بعنوان البريد الالكتروني (E_mail)
5- تاريخ الميلاد يوم وشهر وسنه
6- اللغه تختار اللغه لي تحب تصفح الموقع بيها اكيد حتختار العربيه من الشريط الموجود ع اليسار
7- بعد متخلص من ملي الحقول .
خلي اشاره ع المربع المكتوب يمه انا اوافق ع شروط الخدمه حتى يكمل عندك التسجيل بالموقع
8- اختار المستطيل الاخضر لعمليه التسجيل
في حال ادخال جميع المعلومات صحيحه ومليء جميع الحقول سيوافق ع طلب تسجيلك
وحتوصلك رساله ع البريد الالكتوروني خلال فتره 5 ايام هاي بيها كلمه السر
ارجع فوت ع الصفحه ودخل رقم الTU الموجود بالورقه لي استلمتها بمقابله الICMC واكتب كلمه السر الجديده وتابع الموقع وبالتوفيق.....
هاامش..
* في حاله ادخال كلمه السر بشكل خاطيء 3 مرات حيقفل الحساب عندك
بهيج حاله اما تتصل ع رقم الICMC
+902122192055
من ساعه 1 الى ساعه 3 الاتصال مفتوح كل ايام الاسبوع عدى السبت والاحد
وتخبرهم بمشكلتك وهم حيعالجوها
او تتواصل معاهم ع البريد الالكتروني
info.rcs@icmc.net
* في حاله متوصلك الرساله (كلمه السر) خلال 5 ايام يعني انت مسجل بمعلومات تختلف عن لي عدهم لذلك لازم تتاكد زين من المعلومات قبل التسجيل
تحياتي للجميع
العربية
