سنجيب اليوم علي سؤال يطرحه الجميع وخصوصا من يريدون العمل من المنزل علي الانترنت او بدء مشروع الكتروني ناجح ومربح من المنزل لذلك سنطرح الاجابات اليوم من خلال خطة عمل او خطة تنفيذية لبدء مشروع الكتروني ناجح ومربح وستكون خطة العمل (work plan) عبارة عن 7 سبع خطوات سهلة وبسيطة جدا ومجربة ,كذلك سنتطرق في البداية لأهم خطوة وهي كيف تجد فكرة مشروع ناجح علي الانترنت يدر عليك الدخل ويستحق ان تتعب من اجله كما سنشرح بعض الاساسيات اللازمة لبدء مشروع اونلاين ناجح ومربح ,تابعونا في هذا المقال وادعو الله ان يوفقني في شرح وتوصيل المعلومات بطريقة يسهل علي جميع الاعمار والفئات ان يستوعبوها ,وسواء كنت مبتدئ او خبير بالتأكيد ستستفيد من هذه الخطوات كيف تبدأ عملك او مشروعك اونلاين ,تابعونا ..

أولا: فكرة المشروع :

كيف تجد فكرة مشروع علي الانترنت يستحق ان تبذل الجهد وتتعب من اجل هذه الفكرة لكي تدر عليك الارباح والتي ستكون نتيجة مجهودك الشخصي ؟

دور على الاحتياج واملاه

معظم الناس اللي لسه بتبدأ بتقع في نفسك الغلطة! انها بتدور علي المنتج الأول وبعد كدا السوق.

علشان تزود من فرص نجاحك، ابدأ بالسوق.

الفكرة إنك تلاقى مجموعة من الناس عندها مشكلة وبتدور على حل بس مش لاقيه. الانترنت بيخلى النوع دا من أبحاث السوق حاجة سهلة جدا:

&ndash زور المنتديات والجروبات على النت علشان تتعرف على المشاكل اللي الناس بتدورلها على حلول.

&ndash دور على كلمات البحث اللي ناس كتير بتستخدمها في انها تدور على الحاجة دي، بس في نفس الوقت مفيش مواقع كتير بتستخدمها.

&ndash أدرس البيئة التنافسية، زور مواقع المنافسين المحتملين &ldquoاللي بيشتغلوا في نفس مجالك او قريبين منه&rdquo ولاحظ هما بيعملوا ايه علشان يلبوا الحاجة دي. ساعتها انت تقدر تستخدم كل المعلومات اللي جمعتها دي علشان تصنع منتج لسوق حقيقي وموجود فعلا، وتعملوا أحسن من اي حد تاني.

[tie_index]2. مقدمة تسويقية[/tie_index]

ثانيا: اكتب مقدمة تسويقية

في توليفة بيع كدا مؤكدة بتخلي زائر الموقع بتاعك يتجه على طول لأنه يشتري المنتج بتاعك.

ازاى الكلام دا؟

شوف يا سيدي

&ndash اجذب اهتمامه بعناوين مقنعة.

&ndash اشرح المشكلة اللى المنتج بتاعك بيحلها.

&ndash أكد مصداقيتك بانك تأكد إنك صاحب الحل العبقري للمشكلة دي.

&ndash ضيف توصيات من ناس استخدمت المنتج بتاعك فعلا.

&ndash أتكلم عن المنتج واد ايه هو مفيد للمستخدم.

&ndash اعمل عروض.

&ndash قدم ضمانات قوية.

&ndash أخلق الحاح &ldquoزى مثلا عرض لفترة محدودة او الحق العرض&rdquo.

&ndash اسأل علشان تبيع. دى طريقة من طرق تقفيل الdeal زى مثلا انك تسأل الناس علشان تخلى الناس تقرر، زى مثلا: في اى أسئلة تانية؟ طريقة الدفع كويسة بالنسبالك؟ و هكذا؟&rdquo

من خلال عرضك دا ، حاول تركز على اد ايه المنتج او الخدمة اللي انت بتقدمها تقدر انها تحل مشاكل الناس او تحسن حياتهم. وحاول تفكر من وجهة نظر الزبون &ldquoيعنى قول لنفسك يا تري انا لو مكانه كنت هعمل ايه ؟&rdquo

[tie_index]3. صمم موقعك[/tie_index]

ثالثا: صمم ونفذ موقعك

مجرد مانت لقيت السوق والمنتج، انت كدا ظبطت تماما عملية البيع، ودلوقتى انت جاهز علشان تصمم الموقع &ldquoالوجهة بتاعتك&rdquo

بسطها على اد ما تقدر، لان انت ادامك اقل من 5 ثواني علشان تجذب اهتمام الناس والا هيروحوا ومش هتلاقيهم تانى ابدا.

خلى بالك من الاتي:

&ndash استخدم خط واحد او اتنين على خلفية بيضاء.

&ndash خلى طريقة الانتقال من صفحة للتانية واضحة وبسيطة وهي هي في كل صفحة.

&ndash استخدم الصور والصوت والفيديوهات اللي بتخدم رسالتك بس.

&ndash خلى عملية الشراء سهلة جدا، خطوة واحدة او اتنين بالكتير.

&ndash خلى بالك ان الموقع بتاعك دا الواجهة او الفاترينة بتاعتك، حاول تخلية ظريف وجذاب.

[tie_index]4. استخدم محركات البحث[/tie_index]

رابعا: استخدم محركات البحث

&ldquoزى جوجل وياهو وبينج وغيره&rdquo علشان تجذب الناس للموقع بتاعك.

من أسهل الطرق اللي ممكن تستخدمها علشان توجة الناس للموقع بتاعك وخصوصا لو موقع جديد هي طريقة الدفع عند الضغط او اللى بيسموها pay-per-click &ldquoPPC&rdquo.

و دى اللى هي إعلانات الانترنت اللى بيقولوا عليها ، زى جوجل ادسنس او ادبرايت و غيرها، بتسمح للمواقع دى انها تحط اعلانتها عالويب سايت بتاعك و في المقابل بتوجة الناس للموقع بتاعك و مقابل مادى، بس الدعاية هي الأهم طبعا.

الطريقة دي أفضل بكتير من أنك تستنى الناس تيجى لموقعك لوحدها، وليها ميزتين مهمين: أولا: إعلانات الPPC دى بتظهر على صفحة البحث على طول، وثانيا: ان الإعلانات دى بتسمحلك انك تجرب كلمات بحث مختلفة كمان عناوين وأسعار وطرق البيع المختلفة.

مش بس بتجيبلك جمهور بسرعة جدا، لكن كمان انت ممكن تستخدم إعلانات ال PPC، علشان تكتشف اكتر عدد من كلمات البحث الرئيسية اللى بيسموها High Converting keywords و اللى محركات البحث دى بتستخدمها و بتضيفها في اعلاناتها علشان تجذب اكتر عدد من الناس للموقع.

بص ملاحظة صغيرة كدا ركز معايا كلمات البحث الرئيسية دى هي اكتر كلمات الناس بتستخدمها في البحث، علشان كدا كل ما الكلمات دى اتكررت في الموقع بتاعك كل ما الموقع ظهر اكتر في نتايج البحث. وضحت ؟

فبالتالى انت لو خدت الكلمات دى و وزعتها في موقعك في المقدمة و في الكود &ldquoبس من غير حشر ، موقعك هيظهر اكتر و هتزوره ناس اكتر و اكتر.

[tie_index]5. سوق نفسك[/tie_index]

خامسا: سوق نفسك

لازم تكون الخبير في مجالك او اكتر شخص محل ثقة.

&ndash الناس بتستخدم الانترنت علشان تلاقى المعلومات تمام ؟ قدم انت المعلومات دي ببلاش لمواقع تانية و انت هتلاقي جمهور اكبر بكتير وهتظهر اعلى في نتايج البحث. السر هو انك دايما تضيف لينك للموقع بتاعك مع كل معلومة بتقدمها.

&ndash قدم محتوى مجانى، اكتب مقالات، فيديوهات او اى محتوى تانى مفيد للناس. وزع المحتوى دا عن طريق دليل المقالات &ldquoمواقع عليها مقالات كتير جدا في مجالات مختلفة&rdquo او مواقع التواصل الاجتماعي الكتيرة.

&ndash حط لينكات &ldquoارسال الى صديق&rdquo على المواضيع القيمة على موقعك. كدا انت بتنتشر اكتر واكتر.

&ndash خليك نشيط و متابع دائم على المنتديات و الجروبات و مواقع التواصل الاجتماعى &ldquoفيس بوك و غيره&rdquo اللى فيها تمركز لجمهورك المستهدف.

بالشكل دا انت هتوصل لناس اكتر، مش بس كدا.. كل موقع هينشر المحتوى بتاعك، هيضيف لينك الموقع بتاعك كمان. و داه يزود فرص ظهورك في نتايج البحث و هيزود الترتيب بتاعك.

[tie_index]6. استخدم البريد الالكتروني[/tie_index]

سادسا: استخدم القوة الخفية للايميل

لازم تستخدم القوة الخفية للبريد الالكتروني علشان تحول الزوار الى مشتريين.

لما بتبنى قائمة بايميلات و تسمح للناس تشترك فيها &ldquoاللى بيسموها opt-in&rdquo ، و دى عبارة عن نظام او زى تطبيق بيتيح ليك انك تبعت ايميلات كتير لعدد كبير جدا من الناس زى إعلانات او منشورات بس كل اللى عليك تحط اللينك عالموقع و الناس تشترك فيه، انت كدا بتخلق اهم ركيزة من ركائز الشغل بتاعك كله ! الزباين والمشتركين في الايميل بيدوك اذن إنك تبعتلهم ايميلات، دا معناه:

&ndash انت بتقدملهم حاجة هما اللي طلبوها.

&ndash انت بتكون علاقة مدى الحياة معاهم.

&ndash قدرتك إنك تقيس تفاعلهم 100%.

&ndash التسويق عبر الايميل أرخص وكفاءته اعلى من المطبوعات، التلفزيون، الراديو دا لان ناس كتير بتتجه للوسايل دى.

سابعا: زود دخلك عن طريق البيع المتزايد والبيع المتكرر

واحدة من اهم طرق التسويق عبر النت هي إنك تكون قيمة مدى الحياة للمنتج بتاعك.

على الأقل 36% من الناس اللي اشترت منك مرة هترجع تشتري منك تانى لو كنت بتتابع معاهم.

إنك تتم البيعة الأولى دا تقريبا أصعب جزء، دا طبعا غير انه أغلى جزء.

علشان كدا استخدم البيع المتكرر، علشان تخليهم يشتروا تانى:

&ndash قدم منتجات بتكمل المنتج الأصلي اللي اشتروه.

&ndash وزع كوبونات ولاء اللى ممكن يستخدموها لما يرجعوا تانى.

&ndash اعرض منتجات تانية ليها علاقة بالمنتج اللى اشتروه بتاعهم على صفحة او رسالة الشكر على الشراء.

&ndash كافئ عملائك على ولائهم، بالشكل دا ولائهم هيزيد اكتر و اكتر.

دى الحاجة اللى بيسموها في علم التسويق الBrand Loyalty ، يعنى انك تخلى العميل بيثق بس في المنتج بتاعك و ميشتريش غير منك و يخلى ناس تانية كمان تشترى منك، و دى من اعلى درجات الmarketing.

النت بيتحرك بسرعة رهيبة، لدرجة ان مبيعات سنة واحدة اونلاين تساوى 5 سنين في عالم الواقع ! بس مبادئ او اساسيات بداية المشروعات اونلاين ثابتة زى ما هيا.

لو انت لسة بتبدأ شغلك اونلاين، امشى عالخطوات دى، او لو انت بتشتغل اونلاين فعلا، راجع طريقتك بسرعة و شوف هل انت مطبق كل الخطوات دى صح ولا نسيت خطوة.