هو شاعر عراقي ولد بمدينة البصرة، يحمل الجنسية الهولندية، له العديد من القصائد منها الوطنية ومنها الإجتماعية، أذكر هنا بعضها:<br><br>الا امي<br><br>امي مثل كل الامهات طيبة وكلش حنونه<br><br>امي مفتونه بابويه وعاشكه نظره عيونه<br><br>امي نجمة ليل ماغمض جفنها<br><br>والكمر سلهم جفونه<br><br>امي طباعها من طباع ارض الرافدين<br><br>شما قسه وياها الوكت تبقى ام الخير والست المصونه<br><br>ياما ربة ياما لولة ياما سهرت ياما ضحت<br><br>ياما شالت ضيم لو عالجبل جااا هدلن متونه<br><br>والي يحب امه ياعالم لا تلومونه<br><br>تحت جدم الامهات الله كال الجنة مرهونه<br><br>وذكرت امي بغربتي ووحشة الليل وسكونه<br><br>وعاتبتني وين صرتوا وين رحتوا<br><br>دوريناكم يايمه شمالكم ماتدلونه<br><br>يايمه دولبنه الوكت بين الدول حفاي نفتر<br><br>نطلب من الجان يطلب منه عونه<br><br>يمه رحنه ابابهم كلنه نتوسل<br><br>والشهادات الي عدنه شككوها وقرروا ماشغلونه<br><br>والشريف البينه نادر شغلوا يغسل صحونه<br><br>يايمه دارج دار عزنه والفخر كل الفخر يم دار ابونه<br><br>يمه طولتوا السفر والغيبة طالت صار مده وماتجونه<br><br>وانتظرناكم يايمه والصبر زاد وتبده وفاض ماعونه<br><br>يبني ردوا لكاعكم ولدار اهلكم والوكت غير ضنونه<br><br>باجر نرد لوطنه ومانسيناهم يايمه خاف همه الي نسونه<br><br>ماعدنه ذنب يا يمه ويه اهلنه الذنب ذنب اهلنه الضيعونه<br><br>الذنب ذنب اهلنه الضيعونه<br><br>أما شعره عن الوطن<br><br>البارحة شفت الوطن بالطيف اجاني البارحه ..<br><br>قتله هلا ومية هلا يابو الخيول الجامحه ..<br><br>مديت اديه تسالمه شفت القلب قبل الجفوف يصافحه ....<br><br>شلونك قلت ياموطني وظنوني ظلت سارحه ..<br><br>وانقطع وسطي من الخجل من الخجل وعيوني ظلت شابحه ..<br><br>قال اطمأن ياولدي كفتنا هي الراجحه ..<br><br>قلته الْيِرد ياموطني لحضنك الدافي تسامحه !! ..<br><br>قال اْليِرد وإلْما يِردْ وحتى الْيِفكر بالوطن ذنوبه كلهن طايحه ..<br><br>بس الْيِخون اُمّيِتهْ ما يستحق نقرا على روحه الفاتحه ..<br><br>قلته يبه ياموطني عندي حجي بغزر الدموع المالحه ..<br><br>قال احجي قول شما قلت طبع الوطن مثل الابو واجب عليك تصارحه ..<br><br>قتله يبه ياموطني ليش انت من دول الدول صاحت عليك الصايحه ؟؟<br><br>وليش انت من دون الدول اطفالك الحلوين بالدم سابحه ؟؟<br><br>وليش انت من دون الدول بكل بيت عندك نايحه ؟؟<br><br>وليش انت من دون الدول ناسك إتْصبّح نازحه ؟؟<br><br>وليش انت من دون الدول جيرانه كلها تواقحه ؟؟<br><br>وليش انت من دون الدول يا ثور بالعالم قوي تركض عليه تناطحه ؟؟<br><br>متْقلي منهو الْخبلك يا بو العقول الراجحه !! ..<br><br>شفته ضحك .. شفته ابتسم لمن حِجى و جاوب اجابه واضحه ..<br><br>قال اعتقد يا ولدي .. المشكله مو بالوطن .. المشكله بصدام هو الذابحه ..<br><br>يبقى الوطن هو الاصل والناس هي الرايحه ..<br><br>كفكف دموعك ياولد ادري بغريب الدار شوقه الجارحه ..<br><br>وادري بغريب الدار كل ما يِعتلي وكل ما صعد وشْما كسب خسران كل ما رابحه ..حتى الطيور إلها وطن تهاجر لجل لمن يهزها الشوق ترجع طافحه ..<br><br>وحتى النخيل إلها وطن ما تنشتل إلا بأرضنا المالحه ..<br><br>بس إحنا نبقى لِشْ وقت يا موطني نحلم وطنا نصافحه ؟؟ ..<br><br>وخلاف الوطن تبقى البشر مثل البهايم دايحه ..