شعر عن قبيلة مطير في المملكة العربية السعودية.
قبيلة مطير من القبائل السعودية المُنتشِرة في شبه الجزيرة العربية، وتعود نشأتها الى العصور الجاهلية ولها الكثِير من العادات والتقاليد الموروثة، والتي تعتبر اليوم من التراث السعودي.
حــنــا هـــل الــــردة وحــنــا هــــل الــكــــار
وبـالـمــعــجــزات مــطــيــــر كــــلٍ ذكـــرهـــا
عـز الـخــوي والـضـيــف والـثــالــث الـجـــار
أهـل الـشــيـم تـلـقـى الـشــحـم فـي ســفـرهــا
مـطــيــر حــمــران الـنــواظــر بــاهل الأنــظــار
لا عـــــدو الــظــفــــران عـــــدو ضــفـــرهـــا
حـريـبــنــا يــشـــــرب قــراطــيــع الأمــــرار
ومــن ريـبـنـــا عـيــنــه يــطــوّل ســـهــرهــا
شــيـوخـنـا الـدوشـان أهـل قـحـص الأمـهـــار
الـرابــــح الـلــي مــا يــجــي فـــي نـحـــرهــا
إخــوان جـوزاء الـلـي لـهـم صـيـت وأذكــار
يـــا ســــرع ردتــهــم وما اســرع خـطــرهــا
والـنــعــم والـنـعـمــيــن تــكـــــرار وأمـــــرار
حــنــا نــجــــوم الـلــيــل وأهــمـه قــمــــرهــا
عـنــا الـقـبـايــل تــنــزح أيـمــيــن وإيــســــار
أحــــدٍ كـســـب لــه دار وأحـــــدٍ خــســـرهـــا
حـدودنـا فـي الـغـــرب مــن حـجـــر ويـســــار
ويـحــدّنــا شـــــرق الــكـــويــت وبــحـــرهــا
ومــن الـحـجـــاز ونـجـــد نــأخـــذ ونـخـــتــار
والـمـجـمــعــة وســــديــر لــلـــي عــمــرهــا
والـصـلــب والـصــمــــان مـــا مـثـلــهــــا دار
عـسـى عـلـيـهـا الـســـحـب يـمـطـر مـطـــرهـا
مــن دونـهــا عــلــوى يـبـيـعـــون الأعـمـــار
فــي رايــة الـدوشـــان مــا أحـــدٍ كـســــرهــا
حــامـيـنـهــا بـالـشـــلــف والـســــيــف بــتّـــار
ولا غــيــرهــم حــــيٍ بـــــذوده نــشــــرهـــا
قـطـعـانــهــم تــرعــى زمـالــيــق الأقــــفـــار
وعـنـهـا الـوجـيـه الـقـشـــر يـبـعـد قـشـــرهــا
وأنــا مــا أذم الـنــــاس فــي كـــل الأقــطـــار
ولا ودي اظـــلـمــهــا ولا أبــغــى قــهـــرهــا
والـيـا مـدحــــت شـــيـوخـنــا مــا بـهــا عــــار
الــعــــار لـــلـــي ســــبــهـــا مـــــا قــــدرهـــا
والـيــوم فــي نـعـمــة بـعــد صــار مـاصــار
فـي نـعـمـــةٍ بـعــض الـبـشـــر مــا شـــكـرهــا
الــشـــــكــر لــلـــه ثـــــم لــلــوالـــد الـــبــــار
الــلـــي حــكـــم بــــــر الــبـــلاد وبــحــــرهــا
قــرب ذلـولــه لـلـســــفــر وقـــت الأســحــار
والـنــور شــعــشـــع حــيـــن دب بـظـهــرهــا
فــي خـدمــة الإســـلام قـامــوا لــه أنــصــار
وبــأمــره مــشــوا ســبــحــان ربٍ ومــرهـــا
قـامـوا هـل الـتـوحـيــد لـيـن اطـفـــوا الـنـــار
وهـل الـفـتــن والـشـــرك الأكـبــر حـشــرهــا
وأرســـى قـواعــدهــا بــعــد حــــج وأزتــــار
وحــكــم بــشــــرع الله والأمــــة نــصـــرهــا
وعـيـالــه الـلــي خـيــرهــم ســـــر وجــهــار
الــلــي عـمــرهــا خـيــرهــم مـــا دمــرهـــا
خــلــوا صـحــاريــهــا بـســـاتــيــن وأنــهـــار
حـتـى الـطـيـور اســـتـأمـنـت فــي شـــجـرهــا
فــي الأرض دبـــابــة وفـــي الــجـــو طــيــار
تـحــمــى ســـواحـلــهــا وتـحــمــي وعـــرهــا
الله يـكـافــيــهــا مــــن عــيـــون الأشـــــرار
وتـعـمـي عـيـون الـحـاســد الـلــي نـظــرهــا
وصـلـوا عـلـى الـلـي لـلـمـخــالـيـق مـخـتــار
عــد الـســنــيــن الـيـالــهــا مـــع شــهــرهــا
قصيدة عن قبيلة مطير
قال الشُعراء أقوى الأشعار وأجملها عن قبيلة مطير، واعتبروها من مورثواتهم التراثية التي تعود الى العصور القديمة، إليكُم بعضًا من الأبيات الشعرية عن قبيلة مطير.
أي افتخر بالمعجزات المعاسير…-…اي افتخر بأمجادها اللي بنتها
أي افتخر لا قلت واحد من مطير…-…قبيلة (ن) حتى الدول حاربتها
يوم الملاقا ويوم ذيك الطوابير…-…ويوم الأصايل عجعجت بأغبرتها
ويوم إن في الميدان صياح ومغير…-…ظني تعرف الناس وش منزلتها
لا صار لي فعل (ن) يشرف وفيه خير…-…وش يمنع أني أفتخر بأحسنتها
وش يمنع اكشف عن هذيك الأساطير …-…وأفتح ملفات الليالي طوتها
وأعلم العاذل يعلم بنا الغير…-…وأحرق به اللي جاهل (ن) مرتبتها
وأرفع بكفي وأستهل التقارير…-…وخل العواذل تحترق بألسنتها
حمر النواظر والمعالي مشاوير…-…تدحم حياظ الموت ما زعزعتها
كم لحية (ن) صالت وراحت مخاسير…-…وكم من شوارب فتلت وأنتفتها
حنا سطرنا صفحه المجد تسطير…-…وبصماتنا سود الليالي أشهدتها
وحنا فعلنا المعجزات المباهير…-…ويوم النشاما طيبها بأذرعتها
أقولها ما قلت بالغير تقصير…-…كل (ن) وفعله سيئه وأحسنتها
هذي حقيقه حق مافيه تزوير…-…والله حسيبي لو ظلمنا بختها
أي أفتخر باللي بها يشبع الطير…-…غصب (ن) على الحساد واللي غوتها
أي أفتخر لا قلت واحد من مطير=…-…قبيلة (ن) حتى الدول حاربتها
العربية
