مش ناوية أعيش في الجو دة
واللعبه إللي في إيديك عرفت تكون متمردة
ياحبيبي أنا مش كده انت إللي خلتني كدة
ضيعت سنين كتير وانا كنت عايشه مغيبة
تنسي وبتروح بعيد وانا في الجراح متعذبة
خلتني اكره يقولوا عليا اني طيبة
أنا من كتر الجراح مبقتش عارفة اعدها
وبنيت أحلام كتير لكن غرورك هدها
كداب بس الحقيقة في يوم بتكشف نفسها
شكرًا علي كل حاجه علشان خلاص فوقتني
انت مظلمتنيش بالعكس دة انت لحقتني
ومسيري في يوم هعيش مع حد قلبه يحبني
بيني وبينك حاجات مش عايزه حاجه منها
وخلاص الوقت فات كل إللي كان بينا أنتهى
مش فاضل ذكريات بينا علشان ارجعلها
دة أنا كنت سنين كتير عن الحقيقه مغمضة
من بدري أنا شاكه فيك دلوقتي أنا متأكده
من حقي في يوم اعيش ولا انت رأيك غير كدة
اسم الاغنية : أنا مش باقية عليك
كاتب الاغنية : امير طعيمة
ملحن الاغنية : رامى جمال
غناء : امانى السويسي
العربية
