كلمات اغنية ابسم عسى تبسم حياتك ميحد حمد.

ابسم عسى تبسم حياتك ... ياقايد الخفـرات والعيـن
عطاك ربي لك غناتك ... واصبحت سيد في المزايـن
هنيت يا سيدي بصفاتك ... وانا غني بك من الملايين
كل يوم بي تكبر غلاتك ... والقاك دوم بعيني تزيـن

من الحسن سيدي شراتك ... مثلك فلا قد شافت العين
الشمس تخجل من بهاتك ... والبدر لك بانواره يبيـن
مثل العسل منطق شفاتك ... ذرب وموزون بموازين
والطيب من اصلك وذاتك ... واضح ولا يحتاج تدييـن

ياسيدي ما احلا سماتك ... حسن وطيب واصل ودين
فقت البشر كلها بحلاتك ... ماظنتي مخلوق من طين
ابسم عسى تبسم حياتك ... ياقايد الخفـرات والعيـن

اسم الاغنية : ابسم عسى تبسم حياتك

كاتب الاغنية : غير معروف

ملحن الاغنية : غير معروف

غناء : ميحد حمد