اتخيلك كيف كنتي بيوم لقيانا
يوم الأماني من اللهفه تنادينا
لو يبخل الحب ما تبخل عطايانا
لو غابت الشمس تتبسم ليالينا
اتأملك وادري انك عطر ذكرانا
تسأل عن احلامنا واخر امانينا
كان الهوا دربنا والشوق مسرانا
كان الوفا عهدنا واصدق خطاوينا
من علم الوقت يكتب ناوي يقرانا
حتى الليالي تسولف عن اسامينا
ابوعدك لو قست بالحيل دنيانا
ما تبعدك والغرام اكبر معانينا
كن الغلا بيننا مخلوق ويانا
لو للسحايب نصيبن من هدايانا
هلت غيوم الوله من عشق اراضينا
بطمنك لو فصول الحب تنسانا
ما تجرحك والوفا يجمع ايادينا
اسم الاغنية : اتخيلك
كاتب الاغنية : محمد بن عبدالعزيز بن محمد
ملحن الاغنية : خالد سليمان
غناء : خالد عبد الرحمن